Швейцарияның Лозанна қаласында жүлде қоры 235 238 АҚШ долларын құраған WTA турнирінде Зарина Диас өнер көрсетуде. Тұсаукесер кездесуін швейцариялық Симона Вальвертке қарсы өткізген ол 6:4, 6:4 есебімен жеңіске жетті.
Мажарстанның бас шаһары – Будапеште Юлия Путинцева бақ сынауда. Алғашқы айналымда жерлесіміз Екатерина Горгодземен шеберлік байқасты. 1 сағат 36 минутқа созылған бәсеке 6:4, 6:2 есебмен біздің теннисшінің пайдасына шешілді. Келесі кезеңде ол хорватиялық Ана Конюхпен күш сынасады.
Ал АҚШ-тың Ньюпорт қаласында шымылдығы түрілген АТР додасында Александр Бублик кортқа шығады. Алғашқы айналымда ол бос болды. Келесі кезеңде отандасымыз хорватиялық Иво Карлович пен испаниялық Бернабе Сапата-Миральес арасындағы кездесудің жеңімпазымен кездеседі.
