Аймақтар • 14 Шілде, 2021

Атырауда вакцина салдырғандар саны 121 мыңнан асты

3829 рет көрсетілді

Атырау облысында 121 мыңнан астам адам коронавирус инфекциясына қарсы вакцина салдырды, деп хабарлайды Egemen.kz.

Облыстық денсаулық сақтау басқармасының баспасөз қызметі ұсынған ақпаратқа сүйенсек, 1 ақпан мен 13 шілде аралығында «Спутник V», «QazVac», «Hayat-Vax» вакциналарының I компонентін 121 286 адам салдырған. Вакциналардың II компонентін салдырғандар саны 63 946 адамға жетті.

«Өткен тәулік – 13 шілдеде коронавирус инфекциясына қарсы вакциналардың I компонентін 3 084 адам салдырды. Вакцина алғандардың қатарында 180 педагог, 85 дәрігер, 66 студент, 25 мемлекеттік қызметші, арнайы мекемелердің 18, құқық қорғау органдарының 14 қызметкері бар. Сондай-ақ, созылмалы сырқаты бар 525 пациент пен жергілікті 2 171 тұрғын вакцина алды» деп хабарлады басқарманың баспасөз қызметі.

Соңғы жаңалықтар

Ұқсас жаңалықтар