Сайлау • 22 Шілде, 2021

Үміткерге қолдау білдірді

19 рет көрсетілді

Қостанай облысына қарасты Денисов ауданында ауылдық округ әкімдерінің сайлауына 8 үміткер түсіп жатыр. Олардың үшеуі – Nur Otan партиясының атынан ұсынылғандар.

Тәуелсіздік тарихындағы тұңғыш тікелей сайлауға дайындық барысымен танысу мақсатында ауданға арнайы келген Парламент Мәжі­лісінің депутаты Ека­терина Смышляева бірқатар елді мекенді аралап, өңір тұрғындарымен кездесті.

Денисов ауданындағы Тельман ауылдық округінде өтетін әкім сайлауына түс­кен екі үміткердің бірі – Nur Otan партиясының мү­шесі, аудандық білім бөлі­мі әдістемелік каби­неті­нің меңгерушісі Арман Да­былов. Ол осы өңірдегі Антонов ауылында туып-өскен. Жоғары оқу орнын тәмамдаған соң, туған жерге оралып, еңбек жолын мұ­ғалімдіктен бастаған.

Мәжіліс депутаты Ека­терина Смышляева мен Арман Дабылов ауылдық округтегі «Агрофирма Олимп» жауапкершілігі шектеулі серіктестігі ұжы­мымен кездесті. Мұнда 70-ке жуық адам жұмыс істейді. Еңбеккерлердің көбі әкім сайлауына бірінші рет түсіп жатқан үміткерді жақсы білетін болып шықты. Ал Мәжіліс депутаты биыл ауылдық жерлерде алғаш рет өтейін деп отырған тіке­лей сайлаудың еліміздің сая­си өміріндегі ең елеулі өзге­ріс екенін, мұның ауылды дамы­тудағы маңызы зор екенін әңгімелеп, үміткерге қолдау білдірді.

Кездесу барысында Nur Otan партиясының сайлау­алды бағдарламасының іске асырылу барысы тал­қыланды. Сондай-ақ Арман Дабылов өзінің сайлауалды бағдарламасының негізгі бағыттары туралы ай­тып берді. Ауыл тұр­ғын­­дарының тарапынан көп­теген тілек­тер пен ұсы­ныс айтылды. Депутат пен үміт­керге түрлі сауалдар қойып, тұ­шымды жауап алған тұр­ғын­дардың дені алдағы ма­ңыз­ды саяси науқанға бел­сене қаты­сатындарын жеткізді.

 

Қостанай облысы

 

Соңғы жаңалықтар

Шаманың әні

Өнер • Кеше

Сотталған жырлар

Әдебиет • Кеше

9 ай «толғатқан» 9 пайыз

Экономика • Кеше

Атом көлге сапар

Аймақтар • Кеше

Ұқсас жаңалықтар