Коронавирус • 24 Шілде, 2021

КВИ-мен ауырып тұрғандарға вакцина қажет пе?

265 рет көрсетілді

Қазақстанның Профилактикалық медицина академиясының президенті Алмаз Шарман Өңірлік коммуникациялар қызметі алаңында өткен баспасөз мәслихатында қауіпті індетті жұқтырудың 90%-ы жабық үй-жайларда болатынын атаған еді. Вирусолог халықты өздерін және жақындарын коронавирустың ерекше қауіпті «дельта» нұсқасынан қорғау үшін вакциналауға шақырды, деп хабарлайды Egemen.kz.

Алмаз Шарман Алматы тұрғындарына санитарлық-эпидемиологиялық нормаларды қатаң сақтауды, адам көп жиналатын жабық үй-жайларға бармауды ескертті. Сондықтан қалада қауіпті «дельта» коронавирус штамының айналымы жоғары.

«Ғалымдар коронавирустың бұл нұсқасы неге жұқпалы екенін түсінді. Өйткені, мутация геннің бір бөлігінде пайда болады. Ол интерферон деп аталатын иммундық молекуланың түзілуіне кедергі келтіреді. Бұл иммундық қорғанысты жұмылдыру үшін өте маңызды. Вирус адам ағзасына енген кезде интерферон өндірісін тежейді, иммундық қорғаныс өте баяу басталады және вирус мұрын қуысында көп мөлшерде жиналып, жергілікті қабынуды тудырады. Жұқтырған адам түшкіре бастайды және инфекцияны тез таратады. Бұл "дельта" нұсқасының бірден бір белгісі», деді ғалым.

А. Шарманның айтуынша, «дельта» штамы коронавирустың басқа нұсқалары сияқты көптеген адамда симптомсыз болады. Сондықтан инфекцияны алдын алудың жалғыз жолы – уақытылы екпе алу.

Сондай-ақ вирусолог коронавирусты қайта жұқтырудың себебін түсіндірді. 2020 жылдың қараша айында АҚШ-та жүргенде ол Джонс Хопкинс пен Стэнфорд университетінің әріптестерімен қайта жұқтырудың бес жағдайын талқылады және аурудан кейін иммундық қорғанысты зерттеу қиын деп санайды.

«Енді біз ауырған және антиденелері бар адамдар да қайталанатын инфекцияларға ұшырауы мүмкін екенін түсіндік. Бұл вирустың мутациясына байланысты. Қазір түрлі мәліметтер бойынша жаңа инфекциялардың шамамен 20%-ы бұрын ауырған азаматтарда байқалды. Бұл науқастар үшін вакцинаның маңыздылығын көрсетеді. Вакцина иммундық қорғанысты айтарлықтай күшейтуге және қайта жұқтырудан қорғануға көмектеседі», деді А. Шарман.

Ғалым Алматыдағы инфекциялардың үлесі қарт адамдардан жас адамдарға ауысқанын айтты. Олар иммундық жүйені жаттықтыру үшін вакцина алуы керек.

Соңғы жаңалықтар

Чилидің Шолпан жұлдызы

Әдебиет • 20 Қыркүйек, 2021

Паспорт

Руханият • 20 Қыркүйек, 2021

Өмірге іңкәр, өнерге құштар

Қоғам • 20 Қыркүйек, 2021

Жеке пьеса жазуға лайық

Руханият • 20 Қыркүйек, 2021

Қарабатанға пропан жеткізбек

Экономика • 20 Қыркүйек, 2021

Ана мейірімі

Қоғам • 20 Қыркүйек, 2021

СҚО-да тұқым өндіретін зауыт салынуда

Аймақтар • 20 Қыркүйек, 2021

Ақтөбеде жол апатынан сәби көз жұмды

Аймақтар • 20 Қыркүйек, 2021

Алматыда қанша адам үй кезегінде тұр?

Аймақтар • 20 Қыркүйек, 2021

Ертең Үкімет отырысы өтеді

Үкімет • 20 Қыркүйек, 2021

Доллар арзандады

Қаржы • 20 Қыркүйек, 2021

Ұқсас жаңалықтар