Аймақтар • 26 Шілде, 2021

Қостанай үйлерін тонаған қарақшы ұсталды

86 рет көрсетілді

Ағымдағы жылдың мамырынан шілде айына дейін облыс орталығының аумағында бес пәтер ұрлығы тіркелді, деп хабарлайды Egemen.kz Polisia.kz сайтына сілтеме жасап.

Қаскүнемнің негізгі олжасы ақша мен алтын бұйымдар болды. Орташа алғанда, бір пәтерден келген шығын сомасы 500 мың теңгені құрады. Ең кішкентай «олжа» – 216 мың теңге. Қылмыскерді ұстауға Қостанай қаласы ПБ-ның барлық жеке құрамы жұмылдырылған.

«Түскі уақытта қызыммен аулаға серуендеуге шықтық. Аулада жүргенде бейтаныс адамды көрдім. Ол іздеуде жүрген қылмыскерге ұқсас болып көрінді. Бүйірінде сөмкесі де болды», дейді Чингиз Халиков.

Кадр бөлімінің қызметкері криминалдық полиция қызметкерлеріне хабар беріп, Солтүстік полиция бөлімінің жедел уәкілдері аталған мекенжайға 20 минут ішінде келіп жетті.

Осылайша, бірнеше үйді тонаған күдікті қылмыс үстінде ұсталды. Ер адам алтын бұйымдар мен 650 мың теңге ақша ұрлап үлгерді. Пәтер ұрысы осыған ұқсас қылмысы үшін бұрын сотталған Нұр-Сұлтан қаласының 32 жастағы тұрғыны болып шықты. Сонымен қатар, ол мемлекетаралық іздеуде тіркелгені анықталды.

Қазіргі уақытта аталған факті бойынша Қылмыстық кодекстің 188-бабының 3-бөлігі «Ұрлық» бойынша сотқа дейінгі тергеу іс-шаралары жүргізілуде. Күдікті қамауға алынды.

Соңғы жаңалықтар

Өрлеуге бастайтын өзгеріс

Референдум-2022 • Кеше

Алтын сатып алудың маңызы

Экономика • Кеше

Көкейкесті мәселелер тыңдалды

Референдум-2022 • Кеше

Ұлт ұстазына бөкейліктердің құрметі

Ахмет Байтұрсынұлы • Кеше

Таупістелі тағылымы

Аймақтар • Кеше

Ұқсас жаңалықтар