Қазақстан • 27 Шілде, 2021

Қазақстан мен Өзбекстан арасында жаңа темір жол желісі салынады

1540 рет көрсетілді

«Қазақстан темір жолы» ҰК» АҚ Басқарма Төрағасы Нұрлан Сауранбаев Өзбекстан Республикасы Көлік министрі Илхам Махкамов және «Узбекистон темир Йуллари» АҚ басшылығымен темір жол саласындағы байланыстар жөнінде келіссөздер жүргізді, деп жазады Egemen.kz ҚТЖ баспасөз қызметіне сілтеме жасап.

Кездесу барысында тараптар екі ел арасындағы темір жол көлігімен жүк тасымалдау қарқынына тиімді тариф саясаты септігін тигізіп отырғаны тілге тиек етті. 2021 жылдың алты айында 12 млн тоннадан астам жүк тасымалданған.

Тараптар темір жол көлігі саласындағы байланысты дамыту жөніндегі үкіметаралық бастамаларды іске асыру үшін тасымал көлемін одан әрі ұлғайта түсу мәселелерін талқылады. Аталған бастама аясында  Қазақстан мен Өзбекстан арасында жаңа темір жол желісін салу жобасы іске аса бастады. Оның ішінде Дарбаза – Мақтарал жобасы да бар. Жаңа желі Өзбекстанмен қарым-қатынаста қосымша мүмкіндіктер ашып, Сарыағаш-Келес шекара өткеліндегі кептелісті азайтады.

Келіссөздер барысында «УзбекТемирЙулЭкспедиция» және «УзбекТемирЙулКонтейнер» компанияларының «Транскаспий халықаралық көлік маршруты» қауымдастығы мүшесі ретінде қатысу мүмкіндіктері қарастырылды.

Тараптардың айтуынша, бұл жаңа нарықты дамытуға және трансконтиненталды жүк тасымалы ағынының артуына жол ашады.

Соңғы жаңалықтар

Әлемдік мұнай бағасы күрт өсті

Экономика • Бүгін, 12:37

Қазақстанда ұн қымбаттады

Экономика • Бүгін, 12:17

Бүгінгі валюта бағамы

Қаржы • Бүгін, 11:00

Ұқсас жаңалықтар