Аймақтар • 28 Шілде, 2021

Қостанай облысында шектеу қайта күшейеді

149 рет
көрсетілді
1 мин
оқу үшін

Қостанай облысының  әкімі Архимед Мұхамбетов індеттің алдын алу жөніндегі жедел штабтың кезекті отырысын өткізді. Жиын барысында тамыз айының бірінен бастап бұрын алынып тасталған шектеулердің біразын екі апта мерзімге қайта енгізу туралы шешім қабылданды, деп хабарлайды Egemen.kz.

Қостанай облысында шектеу қайта күшейеді

Өңірде «Ashyq» жобасына қатысып жатқанына қарамастан, демалыс және мереке күндері адам көп жиналатын бірқатар нысандардың жұмысына шектеу қойылатын болды.  Бірінші тамыздан өңірдегі мәдени нысандар, театрлар мен кинотеатрлардың жұмысы тоқтайды. Ал қоғамдық тамақтану орындары жұмыс күндері сағат 20:00-ге дейін ғана жұмыс істейді.
Сондай-ақ, көлемі 2000 шаршы метрден асатын азық-түліктен басқа тауарлар сататын сауда орталықтарының, ашық және жабық базарлардың,  сауна, СПА-орталықтар мен бассейндердің, термопарктің және  жабық спорт нысандарының жұмысы шектеледі.

 - Құрметті облыс тұрғындары, өздеріңізді күтіп, жақындарыңыздың денсаулығына жауапкершілікпен қарауларыңызды, індетке қарсы іс-шаралардың талап-ережелерін сақтауға және COVID-19-ға қарсы уақтылы вакцинациядан өтуге кеңес беремін, - деді Архимед Мұхамбетов.

Штаб отырысында облыстық денсаулық сақтау басқармасы басшысының міндетін атқарушы Р. Айтбаевтың, Арқалық және Рудный қаласы мен Жітіқара ауданы әкімдерінің есебі тыңдалды.
Сондай-ақ, мониторингтік топтардың жұмысы талқыланды. Мониторингтік топ өкілдерінің сөзінше, 1 маусым мен 25 шілде аралығында өңірде 4 724 рейдтік іс-шара өткізіліп, карантин талаптарын бұзудың 190 дерегі анықталған.

Өңірдегі эпидемиялық ахуал жақсарған жағдайда тамыздың он төртіне қарай шектеу шараларын қайта жеңілдету туралы мәселе қаралатын болады.

 

Қостанай облысы

Соңғы жаңалықтар

Су үнемдейтін қондырғы

Технология • Кеше