Аймақтар • 29 Шілде, 2021

Өрт сөндірген өжеттер

15 рет көрсетілді

Қостанай облысының Полиция департаменті шілденің басындағы ми қайнатар аптап ыстықта өрт тиген орманды сөндіруге атсалысқан ауыл тұрғындарына бағалы сыйлықтар мен грамоталар табыс етті.

Шілденің сегізінде «Пригородный» орман шаруашылығында тұтанған алапат өртті ауыздықтауға облыстық төтенше жағдай қызметінің 30-дан астам арнайы техникасы, 100 шақты өрт сөндіруші мен 80 полиция қызметкері жабылған. Алайда өртпен бірге көтерілген күшті желдің екпінімен өршіген қызыл жалынды тойтару мүмкін емес еді. Шарпуы шақырымдық жерді қарыған тілсіз дұшпан аз уақыт ішінде жолындағының бәрін жалмай жылжып, Новоселов, Осинов және Абай елді мекендеріне қауіп төндіре бастаған.

Жағдай ушығып бара жатқан сәтте өрт сөн­діру­шілерге болысуға жер­гілікті шаруа­шылық­тар­дың соқа тіркеген тракторлары мен грейдерлері, күрек-кетпен ұстаған жұ­мысшылары келіп жеткен. «Жұмыла көтерген жүк жеңіл», осылайша, дер кезінде келген қо­сымша күштің көмегімен дүлей өрттің беті қайтып, 300 гектар­дан астам орман алқабы аман қалды.

Автогрейдер жүргізушісі Абай Үсеновтің айтуынша, өрт кезінде айналаны түгелдей түтін басып, алдағы жол көрінбей қалған. Тек грейдер келіп жол салған соң ғана өрт сөндірушілер орман ішіне өтіп, өрт ошағы мен оның әрі қарай таралу бағытын анықтай алған.

–Әрбір елді мекенде ерікті өрт сөндірушілер жасағы болу керек. Қазір Төтенше жағдайлар депар­та­ментімен бірлесіп, бұл мәселені шешудің жолдарын қарастырып жатырмыз. Мұндай жасақтарды арнайы киімдермен және өрт сөндіру құралдарымен қамтамасыз ету жағын да ойластырып қойдық. Олар төтенше жағдай туындай қалған жағдайда жедел қимылдап, тез арада негізгі күшке көмекке келуге тиіс, – деді Полиция департаментінің бастығы Бекет Аймағамбетов.

Облыстық Төтенше жағ­дай департаментінің басшысы Біржан Кәрімов те марапат иелерінің қолын алып, қысталаң сәтте табиғат байлығын қорғап қалу үшін қолындағы техникасы мен бойындағы бар күш-жігерін аямаған өжет тұрғындарға шынайы разылығын білдіріп, алғыс айтты.

 

Қостанай облысы

 

Соңғы жаңалықтар

Чилидің Шолпан жұлдызы

Әдебиет • 20 Қыркүйек, 2021

Паспорт

Руханият • 20 Қыркүйек, 2021

Өмірге іңкәр, өнерге құштар

Қоғам • 20 Қыркүйек, 2021

Жеке пьеса жазуға лайық

Руханият • 20 Қыркүйек, 2021

Қарабатанға пропан жеткізбек

Экономика • 20 Қыркүйек, 2021

Ана мейірімі

Қоғам • 20 Қыркүйек, 2021

СҚО-да тұқым өндіретін зауыт салынуда

Аймақтар • 20 Қыркүйек, 2021

Ақтөбеде жол апатынан сәби көз жұмды

Аймақтар • 20 Қыркүйек, 2021

Алматыда қанша адам үй кезегінде тұр?

Аймақтар • 20 Қыркүйек, 2021

Ертең Үкімет отырысы өтеді

Үкімет • 20 Қыркүйек, 2021

Доллар арзандады

Қаржы • 20 Қыркүйек, 2021

Ұқсас жаңалықтар