Қазақстан • 29 Шілде, 2021

Қазақстанда Ресей азаматшасы 9,5 миллион теңге көлемінде заңсыз зейнетақы алған

437 рет көрсетілді

Қазақстанда 14 жыл бойы заңсыз жолмен зейнетақы алып жүрген Ресей азаматшасына үкім шығарылды, деп хабарлайды Egemen.kz Қостанай облыстық сотының ресми сайтына сілтеме жасап.

Ресей Федерациясының азаматшасы 1998 жылдан бастап өз елінде зейнетақы ала бастаған. Бірақ зейнетақы сомасы оған жеткіліксіз болып, 2006 жылы ол зейнетақы төлеу жөніндегі қазақстандық орталыққа жүгінді. Әйел өзінің жасына байланысты зейнетақы тағайындау туралы өтініші мен ҚР азаматының жасанды жеке куәлігін ұсынды.

Оның Қазақстанда да, Ресейде де бір мезгілде зейнетақы алып жүргені өткен жылы белгілі болып, 2020 жылдың 1 шілдесінде төлемдер тоқтатылды.

Бір жылдан кейін, 2021 жылдың 1 шілдесінде көші-қон қызметі оны «Қазақстанның Азаматтық туралы заңнамасын бұзу» бабы бойынша әкімшілік жауапкершілікке тартты.

Ресейлік әйел 14 жыл ішінде 9,5 млн теңгеге зейнетақы алғаны анықталды. Сот Еңбек, әлеуметтік қорғау және көші-қон Комитеті Департаментінің талап-арызын қанағаттандырып, әйелден мемлекет кірісіне 9,5 млн теңге өндіріп алды.

Шешім заңды күшіне енген жоқ.

 

 

Соңғы жаңалықтар

Еңбекпен есейген ер

Қазақстан • Кеше

Бейтаныс сағыныш

Әлем • Кеше

Жалғыздық аралы

Кино • Кеше

Елордада қар жауады

Қазақстан • Кеше

Бүгін машина жасау күні

Қазақстан • Кеше

Ұқсас жаңалықтар