Коронавирус • 30 Шілде, 2021

Шектеу қайта күшейеді

23 рет көрсетілді

Қостанай облысының әкімдігінде індеттің алдын алу жөніндегі жедел штабтың кезекті отырысы өтті. Жиын барысында тамыз айының бірінен бастап бұрын алынып тасталған шектеулердің біразын екі апта мерзімге қайта енгізу туралы шешім қабылданды.

Өңірде Ashyq жобасына қаты­сып жатқанына қарамастан, дема­лыс және мереке күндері адам көп жиналатын бірқатар ны­сан­ның жұмысына шектеу қойы­латын болды. 1 тамыздан өңірдегі мәдени нысандар, театрлар мен кино­театрлардың жұмысы тоқтай­ды. Ал қоғамдық тамақтану орындары жұмыс күндері сағат 20.00-ге дейін ғана жұмыс істейді. Сон­дай-ақ көлемі 2 мың шаршы метрден асатын азық-түліктен бас­­қа тауарлар сататын сауда ор­та­­­лық­тарының, ашық және жа­бық базар­лардың, сауна, СПА-ор­т­а­лықтар мен бассейндердің, тер­мо­­парктің және жабық спорт ны­сан­­дарының жұмысы шектеледі.

«Құрметті облыс тұрғын­дары, өздеріңізді күтіп, жақын­дары­ңыздың денсаулығына жауап­кер­шілікпен қарауларыңызды, індетке қарсы іс-шаралардың та­лап-ережелерін сақтауға және COVID-19-ға қарсы уақтылы вакциналаудан өтуге кеңес беремін», деді облыс басшысы Архимед Мұхамбетов.

Штаб отырысында облыстық денсаулық сақтау басқармасы басшысының міндетін атқарушы Р.Айтбаевтың, Арқалық және Руд­ный қаласы мен Жітіқара ауда­ны әкімдерінің есебі тыңдалды. Сон­дай-ақ мониторингтік топтар­дың жұмысы талқыланды. Мо­ни­то­ринг­тік топ өкілдерінің сөзін­ше, 1 маусым мен 25 шілде аралы­ғын­да өңірде 4 724 рейдтік іс-шара өт­кі­зіліп, карантин талаптарын бұзу­дың 190 дерегі анықталған.

Өңірдегі эпидемиялық ахуал жақсарған жағдайда тамыздың 14-іне қарай шектеу шараларын қайта жеңілдету туралы мәселе қаралады.

 

Қостанай облысы

 

Соңғы жаңалықтар

Әлемдік мұнай бағасы күрт өсті

Экономика • Бүгін, 12:37

Қазақстанда ұн қымбаттады

Экономика • Бүгін, 12:17

Бүгінгі валюта бағамы

Қаржы • Бүгін, 11:00

Жүзден жүйрік шықты

Аймақтар • Бүгін, 09:16

Ұқсас жаңалықтар