Облыс әкімі баспасөз қызметінің ақпаратына қарағанда, 26 сәуірден бері Ashyq бағдарламасына кәсіпкерлер тарапынан 812 өтініш түскен. Оның ішінде 781 нысанға QR-код берілді. Келушілерді тіркемегені үшін 13 нысан бағдарламадан екі аптаға шығарылды. Ал, 577 кәсіпкерлік нысаны тесттік режимінен өткен.
Енді облыстық әкімдікке қызметкерлер мен келушілер Аshyq бағдарламасын қолданып, короновирусқа қатысты мәртебесін көрсету арқылы кіре алады.
«Бұл талап Атырау қалалық, аудандық және ауылдық округ әкімдіктерінде де жүзеге асырылады. Мақсат – адамдардың саулығын сақтап, қауіпісздігін қамтамасыз ету. Өйткені, «қызыл аймақтағы» өңірде коронавирус инфекциясы өршіп, эпидемиялық ахуал күрделеніп барады», деп хабарлады әкімдіктің баспасөз қызметі.
