Фото: қала әкімдігінің ресми сайты
CTS көлік компаниясының мамандары қоғамдық көліктегі жолаушылардың маска тағып-тақпағанын қадағалады. Маскасын тақпағандарға ескерту жасап, елордадағы эпидемиологиялық жағдайды түсіндірді.
«Қазір маскаға қатысты жай ғана ескерту жасап жүрміз. Айыппұл салынып жатқан жоқ. Жолаушылардың тең жартысы бетперде тақса, жартысында мүлдем жоқ немесе дұрыс тақпай отырады. Маска тағу ауру жұқтыру қаупін азайтады. Адам көп жиналатын жерде барынша қауіпсіздік сақтаған абзал», деді CTS компаниясы көлік бақылау департаментінің менеджері Алтынай Әлішбекова.
