TOKYO2020 • 05 Тамыз, 2021

Мырзағали Айтжанов: Ағылшын бапкерлері кешірім сұрады

50 рет көрсетілді

Қазақстандық боксшы Сәкен Бибосынов Токио Олимпиадасының жартылай финалында жеңіліп, қола жүлдегер атанды. 52 келі салмақ дәрежесінде жұдырықтасқан боксшы ұлыбританиялық Джалал Яфаиге есе жіберді, деп хабарлайды Egemen.kz prosports.kz порталына сілтеме жасап.

Жекпе-жектен соң Сәкеннің жеке бапкері Мырзағали Айтжанов боксшысының Олимпиададағы нәтижесі жайлы пікір білдірді. 

«Британиялық  боксшыны  бұрыннан танимыз. Кезінде Біржан Жақыпов талай қолғап түйістірген. Олимпиада болғандықтан қобалжып, бірінші раундта бас салып алдыға жүгірді. Бір-екі соққы тиіп кетті. Оны нокдаун санайтын-санамайтынын біз шешпейміз. Төреші нокдаун дегендіктен бірінші раундты қарсыласына берген болар. Дұрыс. Ал екінші және үшінші раундты енді, бүкіл әлем көрді деп ойлаймын. Жекпе-жектен соң ағылшын бапкерлері кешірім сұрап жатыр. Әріптеспіз. Кімнің жеңгенін, кімнің жеңілгенін жақсы білеміз ғой.  

Қолаға да шүкір. Қанша тер төгілді, еңбектендік. Бүгін финалға шығып, көк туымызды желбіретеміз деген сеніммен келген едім. Өз басым, жеңетініне де, өтетініне де сенімді болдым. Рингтің бұрышында тұрып, көп нәрсені сеземіз ғой. Қап, берсе екен деп ойладым. 3:2. Бұйырмады. Сәкеннің бүгінгі өнері тамаша болды. Нағыз ер-жігітке тән қайсарлық, жігерлік бойынан көрінді. Неге десең, екінші раундтан бастап тең ойнады. Жігітке тән мінезді көрсетті. Үшінші раундта жеңісті жұлып алды. Бірақ, амал жоқ, төрешілер басқаша шешті. 

Ағылшын боксшысы тек бірінші раундты жеңді деп мойындаймын. Ол кезде Сәкен бас салып, алдыға жүгіріп кетті. Ал одан кейін Сәкен өз мәнерінде жұдырықтасып, өз ойынын көрсетті. Екінші раундтан соң Сәкенге бар күшіңді сал, артында барша жұрт саған сенім артып отыр дедім. Дегенмен оған тағар кінә жоқ. Барын берді. Біржан алмаған жүлдені, Қайратқа бұйырмаған медальді мойнына тақты. Қаншама жігіттеріміз жүлдесіз қайтты. 

Кезінде Токио Олимпиадасында жалпыкомандалық есепте көш басында тұрып, шәкіртім алтын алады деген мақсат қойып едім. Өкінішке қарай, орындалмады. Енді Парижде мақсатымызды орындау үшін еңбек етеміз», деді бапкер.

Соңғы жаңалықтар

Еңбек – бейнет емес, зейнет

Қоғам • Бүгін, 08:46

Қуатовтың қолтаңбасы

Қоғам • Бүгін, 08:36

Астық жинау қашан аяқталады?

Экономика • Бүгін, 08:33

Дендеген дерттің беті қайтар емес

Коронавирус • Бүгін, 08:30

Бас прокурорлар бас қосты

Саясат • Бүгін, 08:19

Қош бол, Америка!

Әдебиет • Кеше

Смартфонға сыйған сауда

Технология • Кеше

Қарымды қаламгер

Руханият • Кеше

Халықаралық кездесулер

Қазақстан • Кеше

Ұқсас жаңалықтар