Әлем • 06 Тамыз, 2021

Өзбекстанда балабақша-автобустар жұмысын бастады

382 рет
көрсетілді
1 мин
оқу үшін

Өзбекстан үкіметі мектепке дейінгі білім беру ісімен айналысатын шұғыл топ ұйымдастыру туралы жарлық шығарды. Ол барлық талапқа сай заманауи автобус базасында ұйымдастырылады, деп жазады Egemen.kz Орталық Азия жаңалықтар қызметіне сілтеме жасап.

Өзбекстанда балабақша-автобустар жұмысын бастады

Фото: Мектепке дейінгі білім министрлігі

Өзбекстан Мектепке дейінгі білім министрлігінің хабарлауынша, балабақшаға айналатын ISUZU HC 40 автобусы күннен қуат алатын батареямен жабдықталған. Ішінде желдеткіш, әжетхана, ыстық және суық су жүйесі, тамақ жылытуға арналған асхана бар.

Бір топта 30-ға жуық бала оқиды. Сабақ үш сағатқа созылады. Шұғыл топ күніне үш ауысымда, аптасына алты күн жұмыс істеуі мүмкін.

Олар оқу жылын 2 қыркүйекте бастап, келесі жылы 31 мамырда аяқтайды.

Мемлекеттің мектепке дейінгі білім беру қызметі халыққа тегін ұсынылады.

Министрлік мәліметінше, былтыр өңірлерде 49 балабақша-автобус жұмыс істеген.