Бұл туралы облыстық Полиция департаментінің баспасөз қызметі хабарлады.
«Жол-көлік оқиғаларының өсуі жазғы демалыстарға байланысты болып отыр. Бұл ретте кәмелетке толмаған балалардың жол апатына түсу себептерінің бастысы – жолда ересектердің балаға немқұрайлы қарауы болып отыр», делінген хабарламада
Сондай-ақ, көптеген жүргізушілер «арнайы балалар орындығы немесе басқа құралдар болмаған кезде 12 жасқа дейінгі балаларды тасымалдауға тыйым салуды» көздейтін жол ережелерін сақтамайды.
«Тағы бір жағдай, жаздың басталуымен жас велосипедшілер (скутер, ролик иелері) сақтықты ұмытып, жазатайым оқиғаға жиі душар болып жатады», делінген хабарламада.
Полиция қызметкерлері жүйелі түрде ата-аналармен және балалармен профилактикалық әңгімелер жүргізіп, жадынамалар таратуды қолға алған.
Ақтөбе облысының Полиция департаменті баланы жол ережесін сақтауға үйретуді ұсынады. Сондай-ақ велосипедпен және мотороллермен сырғанау кезінде баланың киімінде шағылысатын элементтер болуы керек екенін еске салады.
