Экономика • 09 Тамыз, 2021

Тері экспортынан табыс тапты

54 рет көрсетілді

Осы жылдың бес айында отандық иленген былғары мен ірі қара малдың терісінен жасалған былғары крастын сатудан түскен экспорттық түсім 2,4 млн долларға жетті. Бұл – өткен жылдың көрсеткішінен 73,3 пайызға жоғары.

Индустрия және инфрақұрылым­дық даму министрлігіне қарасты QazIn­dustry қазақстандық индустрия және экспорт орталығы мамандарының айтуынша, былғары илеу және өң­деу кәсіпорындары еліміздің 11 өңі­рінде орналасқан. Бұл саладағы кәсіп­орындардың көбі Шымкент қаласында шоғырланған – 7 кәсіпорын.

Сондай-ақ өндірушілер Алматы, Қостанай, Жамбыл, Ақтөбе, Қызылорда, Павлодар, Солтүстік Қазақстан, Шы­ғыс Қазақстан облыстарында және респуб­ликалық маңызы бар Нұр-Сұлтан, Ал­маты қалаларында да бар.

Бүгінгі таңда Қазақстанда былғары илеумен бір орта кәсіпорын (Алматы былғары зауыты – Almaty Tannery ЖШС) және 27 шағын кәсіпорын («Каз­ИталКожа», Semey Tannery, «Ка­зах­ЛидерМех», «Петропавл был­ға­ры зауыты», «Тараз Былғары зауыты», Turan Skin, «Кәмшат-Әсел» жауап­кер­гілігі шектеулі серіктестері және бас­қалар) айналысады.

Ірі қара мал терісінен жасалған был­ғары өндірісінің көлемі 2021 жылдың 6 айында 54 млн шаршы дециметрді құрады. Көрсеткіш – өткен жылмен са­лыстырғанда 15,2 пайызға жоғары.

Ішкі нарықта отандық былғары­ны аз мөлшерде аяқкиім өнімдерін (не­гізінен әскери және арнайы аяқкиім үшін) және былғарыдан жасалған та­уарларды (сөмкелер, белдіктер) өн­ді­ру­шілер са­тып алады. Қалғаны экс­порт­­талады.

Қазақстандық терінің негізгі сатып алушылары қатарында Қытай, Үндістан, Италия, Түркия, Украина және Испания секілді елдер бар.

Соңғы жаңалықтар

Щучинскіде базар өртенді

Оқиға • Бүгін, 09:27

Аң патшасы көбейді

Экология • Бүгін, 07:42

Жер астынан жол шықты

Аймақтар • Бүгін, 07:40

Жеке рекордын жаңартты

Теннис • Бүгін, 07:36

Жаңа бапкер жарылқай ала ма?

Футбол • Бүгін, 07:22

Күйеуінің кітабын сатқан әйел

Әдебиет • Бүгін, 07:20

Журналистика мэтрін еске алды

Егемен Қазақстан • Бүгін, 07:18

Сананы тұрмыс билесе...

Руханият • Бүгін, 07:18

Ұқсас жаңалықтар