Күмәнданушылардың күдігі қашан сейіледі?

Тойлардан індетті «сарқытқа» әкетіп жүргендердің нақты мысалын баяндамас бұрын, коронавирус вакцинасына қарсы бол­ғандардың көпшілігі қазір айна­ласындағы қайғылы оқиға­лар­ды өз көздерімен көріп, көзқарасы өзгере бастағанын байқауға болады. Ең бастысы, қазіргідей жағ­дайда дұрыс және ғылымға негіз­делген нақты ақпараттар қажет.

Сонымен бүгінде біздің ша­һар­да безек қаққан жедел жәрдем­нің 30%-ы коронавирус пен пнев­мо­нияға шалдыққандарды тасиды. Не десек те, Алматыда халі ауыр науқастардың саны артты, жан­сақтау бөлімшелері 44%-ға толды. Жансақтау және интенсивті терапия бөлімшелерінде 300-ден аса науқас болса, ал реанимациялық төсектік орындардың жалпы саны – 700. Қазіргі кезде ковидтік ста­ционарлар бір мезгілде 7 045 па­циентті қабылдай алса да, ковид орталықтарын кеңейту мәселесі қа­растырылып отыр.

Қаланың Оқу-клиникалық ор­та­­лығында, фтизиопульмонология орталығында, гуманитарлық-пе­дагогикалық колледжінде індет жұқ­тырғандар үшін қосымша орын­дар ашылды. 4 тамыздан бас­­тап «Хак» медициналық орта­­лы­ғына 130 төсектік орын қойыл­са, 3 жасқа дейінгі балалар ата-аналарымен бірге жатыр.

Мысалы, Алматыдағы №36 қа­­лалық емханасының бас дәрі­ге­рінің ұйымдастыру-әдіс­теме­лік жұмысы жөніндегі орын­баса­ры­ның міндетін атқарушы Ве­нера Тох­­тахунова вакцина алған­дарда ауыр жағдайлар болмағанын атады.

Дәрігерлер вакцинаға қарсы болып жүрген пациенттермен ша­ма-шарқынша әңгімелесіп, барлық мәліметті түсіндіріп отыр.

«Көбіне, КВИ-ге қарсы екпе­ден неге бас тартасыз деген сұ­раққа, пациенттер ол асқынулар туды­рып, одан өліп кету мүмкін деп жауап беріп жатады. Айтарым, бүгінде бірде-бір қайғылы жағдай тіркелген жоқ және вакцинадан кейін аурудың асқынуы немесе өлуі мүмкін екені дәлелденбеген. Вакцина алған адамдардың КВИ инфекциясынан қорғалғаны дә­лел­денді, ал екпеден кейін коро­на­вирус жұқтыратындар өте аз. Вакциналанған адам дерт жұқ­тырса, жағдайы жеңіл немесе ­сим­п­­томсыз өтеді», дейді дәрігер.

Өкінішке қарай, бәрі бірдей бол­маса да, вакцинаға қарсылық танытушылар көбінесе егжей-тегжейлі ақпарат алғаннан кейін дәрігерлердің дәлелдерімен келі­сіп, екпе алуға шешім қабылдап жатады.

«Жеке қорғаныс құралдарын жою туралы айтар болсақ, біз ұсын­ғандай егер адам бір реттік маска тағып жүрсе, оны әр 3 сағат сайын, әсіресе 30-40 градус температурада ауыстырып тұрған жөн. Терлеген кезде маска тиімсіз. Маскалар А сыныбында, яғни тұрмыстық қалдықтар ретінде шығарылады. Бірнеше рет қолданылған маскаларды күн сайын жуып, булау керек. Содан соң оны ыстық үтікпен үтіктемесе, онда бетперденің пайдасы аз», дейді В.Тохтахунова.

Осы ретте вакцина түгілі ін­деттің барына сенбеген Алма­ты­дағы Орталық қалалық клиника­­лық аурухана пациентінің оқиғасы­на тоқталайық. Отбасымен Алматы­ға демалуға келген Қызылорда қала­сының тұрғыны Жәмила Жа­наеваның індет жұқтыру тарихы төмендегідей.

– Алматыға келгеннен кейін өзім­ді нашар сезініп, дене қы­зуым көтеріліп, әлсіздік пайда болды. Басында суықтадым деп ойлап, үйде бір апта бойы им­про­визацияланған құралдармен ем­делдім. Жағдайым нашарлай бас­таған кезде ПТР тапсырып едім, тест нәтижесі оң болып шық­ты. Содан дереу жедел жәрдем шақырдым, олар мені Орталық қалалық клиникалық аурухана­ға алып келді. Үшінші күні ме­нің жағдайым тіпті нашарлап, жақ­сақтау бөліміне ауыстырды, онда төрт күн жаттым. Жағдайым өте ауыр халде болған бұл күндер есімнен шықпайды. Дәрігерлер жанымнан бір қадам да алыс кетпеді. Бетім бері қарағаннан кейін осы ауруханаға, осындай жоғары бі­лікті мамандарға барғаныма өте қуандым. Өзім білім беріп отыр­ған мұғаліммін, соған қарамас­­тан ко­ронавирус инфекциясы ба­рын мойындағым келмеді. Жаһан­­дық індет туралы әлеуметтік желі­лер­де ұдайы оқып отырсам да, бі­рақ оның барына мен де, күйеуім де сенбеген еді. Ол вакциналауға қатты қарсы болып, маған да екпе жасатуға рұқсат бермеді. Айт­қандай, күйеуім де ауырып қалды. Осы аурухананың барлық қызметкерлеріне алғыс айтқым келеді. Олар әрбір науқасқа ыж­дағатпен қарайды екен. Оларға төзім тілегім келеді, өйткені олар осындай қиын жағдайда шыдам­дылықпен жұмыс істейді және күн сайын өздерін қауіп-қатерге ду­шар етіп отырғанын көрдім, – дей­ді Алматының қонағы.

АЛМАТЫ