Аймақтар • 12 Тамыз, 2021

Атырауда биіктен құлаған электромонтаждаушы ауруханада көз жұмды

754 рет
көрсетілді
1 мин
оқу үшін

Кеше сағат 15:00 шамасында 6-7 метр биіктен екі электромонтаждаушы құлады, деп хабарлайды Egemen.kz.

Атырауда биіктен құлаған электромонтаждаушы ауруханада көз жұмды

Белгілі болғандай, «Атырау Жарық» АҚ-ның электромонтерлер бригадасы автогидрокөтергіштің көмегімен 6-7 метр биікте жоғары вольтты электр желісінің сымдарына монтаждау жүргізген. Сол кезде манипулятордың автомұнарасы құлап, монтаждаушы екі адам ауыр дене жарақатын алған. Оның екеуі де облыстық ауруханаға жатқызылды. Бірақ, зардап шеккен жұмысшының бірі ауруханада қайтыс болды.

«Қазір «Атырау Жарық» АҚ-ның қызметкері – 1979 жылы туған азаматтың өліміне қатысты ҚР Қылмыстық Кодекстің 156-бабының 3 бөлігімен сотқа дейінгі тергеу жүргізіліп жатыр. Мүрдеге сот-медициналық сараптама тағайындалды», деп хабарлады облыстық полиция департаментінің баспасөз қызметі.