Аймақтар • 13 Тамыз, 2021

Қарбызға қарық қылды

692 рет көрсетілді

Істің қиюын тауып, бабын кел­тірсе, климаты қатаңдау Арқа төсінде де қаулатып қар­быз өсіру­дің әбден мүмкін екен­дігін Жа­ңаарқа ауда­нының тұр­ғыны Сер­жан Түсіпбеков іспен дәлелдеді.

Үбірлі-шүбірлі бала-шағасы бар Сержан Түсіпбеков қарбыз өсіріп, жер­лестерін дәмі тіл үйірген жеміспен қам­тамасыз етуді біраз жылдан бері ойластырып жүр­ген екен. Өз бетімен ізденіп, бұл са­ладағы тәжірибелерді жан-жақты зерттеген.

Содан кейін барып аудан әкімі Юржан Бекқожинге жолығып, көмек сұраған. Кәсіпкердің бизнес жос­пары­мен танысқаннан кейін, жергілікті басшы оның өтінішін қана­ғаттандырып, жер алуына ықпал етеді.

Міне, осылайша идея іске асып, еңбек­қор кәсіпкер Сержан Түсіп­беков жер мәселелері жөніндегі ко­мис­сияның шешімімен берілген екі гектар жерге қар­быз өсіреді.

Ала жаздай төккен маңдай тер зая кетпей, бүгінде кәсіпкер өсірген қарбыз мол өнім берді. Бұл істе, әрине, ағайын-туыстың кө­мегі де зор болған. Алдағы уақыт­та кәсіпкер Сержан Түсіп­беков егіс алқабын ұлғайтып, же­міс-жидектің басқа да түрлерін өсір­мекші.

 

Қарағанды облысы,

Жаңаарқа ауданы

Соңғы жаңалықтар

11 тамызға арналған валюта бағамы

Экономика • Бүгін, 09:40

Екінші айналымға шықты

Теннис • Бүгін, 08:39

Исламиаданы сәтті бастады

Спорт • Бүгін, 08:37

Алуан ауруды анықтайтын аппарат

Медицина • Бүгін, 08:30

Ұлы шайыр ұлықталған күн

Абай • Бүгін, 08:20

Абай мұрасы асқақтады

Абай • Бүгін, 00:04

Ұлттық мереке

Абай • Бүгін, 00:02

Ет мәселесіне еп керек

Экономика • Бүгін, 00:01

Ұқсас жаңалықтар