Коронавирус • 17 Тамыз, 2021

Салғырттық сан соқтырып жүрмесін

1368 рет көрсетілді

Берекетімізді қашырған бәлекет індет барған сайын үрейімізді ұшырып, үдеп барады. Алқымнан алатын адуыны қатты ауру айналамыздағы талай жақсы мен жайсаңнан айырып жатыр. Кеше ғана есен-сау, елге ес болып жүрген тұлғаларымыздың кенеттен кесапат кеселдің кесірінен қайтыс болғанын естіген жұрт әжептәуір есеңгіреп қалды. Жалпы, елімізде күн сайын жүзден аса адамнан көз жазып қалып жатырмыз.

Күні кеше коронавирус­тан 118 азаматымыз қайтыс бо­лып, қаншама отбасы аза тұт­ты. Оның алдында ғана 123 адам бақилық болған. Ал 13 та­­мыз­да 152 адамның жаны үзі­­ліп, бұған дейін болмаған, бір күн­де індеттен көз жұмған ең сорақы көрсеткіш тіркелді. Осы­лайша, бұл қатер онсыз да аз-ақ қа­зақтың қатарын кемітіп, «жаны­мыздың жапырақтарын біл­діртпей жұлып жатыр». Со­ны байқап-білсек, сезінсек, опы­нып-өкініп бармақ тістесек, осы­лай әлі де бейқам, селқос жү­рер ме едік?! Әй қайдам, бұл нем­құ­райлығымызбен қауіпті дерт­ке қарсы қылар қайран болмас.

Өкінішке қарай, осы ауру­дан тапқан азабымыз, қаза­мыз азаймай тұрса да, індеттің тара­луын күшейтетін той-тома­лақтар тыйылар емес. Тойды доғаруға, тәртіп сақтауға, вак­цина салдыруға деген салғырт­тық науқастардың да, марқұм­дар­дың да санын арттырып жа­тыр.

Жалпы, бүгінгі таңда елі­мізде 120 488 адам коронавирус инфекциясынан емделуде, олар­дың ішінде 30 996 пациент ста­ционарда, 89 492 науқас амбула­тор­лық деңгейде ем қабыл­дау­да. Сондай-ақ індет­ке шалдық­қан­дар­дың арасында 910 адамның жағдайы ауыр, 529 пациенттің жағдайы өте ауыр, 251 науқас ӨЖЖ аппаратында жатыр.

Соңғы жаңалықтар

Қоңырқай болмыс

Руханият • Бүгін, 23:18

Падиша-жырға ғашық шайыр

Әдебиет • Бүгін, 23:16

Желтоқсандық журналист

Қазақстан • Бүгін, 23:06

Піл

Өнер • Бүгін, 23:03

Алматы маңында жер сілкінді

Аймақтар • Бүгін, 16:18

Доллар 9 теңгеге арзандады

Қаржы • Бүгін, 16:10

Ұқсас жаңалықтар