Батыс Қазақстандағы тағы бір орманда өрт шықты

17 тамыз күні сағат 13.52-де Оралға қарасты Меловые горки кенті аумағында 10 гектар жердің құрғақ шөбі мен 10 гектар орман отқа оранды. Жалын аумағы 20 шаршы метр саяжай үйін шарпыды.

Өрт сөндіруге ТЖ департаментінің 51 қызметкері мен 8 техникасы, орман шаруашылығы мекемесінен 15 адам, 2 техника және «Жайық таза қала» ЖШС-нен 2 адам, 2 техника жұмылдырылды. Жалын 18 тамыз күні жергілікті сағат 21.26-да ауыздықталды.