Оқиға • 19 Тамыз, 2021

Атырауда «әжетханаға байланған мүгедек балалар туралы» түсінік берілді

15266 рет көрсетілді

Атырауда «әжетханаға байланған мүгедек балалар» туралы видеоға түсінік берілді, деп хабарлайды Egemen.kz.

Облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Альфия Төлеғариеваның айтуынша, бұл видеоны биылғы жылдың 8 сәуірінде шаруашылық бикесі түсірген.

«Басқарма басшылығы аталған видеоға байланысты №3 облыстық арнаулы әлеуметтік қызмет көрсету орталығының қызметкерлерімен жиын өткізіп, түсінік жұмыстарын жүргізді. Тиісті бақылау жүргізбеген орталық директорына «қатаң сөгіс» беріліп, тәртіптік жаза қолданылды», деді Альфия Төлеғариева.

Маусым айында облыстық прокуратура орталықтағы балалардың құқықтарын қорғау заңдылығына кешенді тексеру жүргізген. Облыс әкімінің бірінші орынбасары мен ҮЕҰ өкілдері орталықтағы қызмет көрсету барысымен танысқан.

Сондай-ақ облыс әкімінің орынбасары мен кәмелетке толмаған балалардың құқығын қорғау жөніндегі комиссия прокуратура, депутаттар, мемлекеттік органдар өкілдерінің қатысуымен көшпелі отырыс өткізген. Комиссия мүшелері орталықты аралап, балалардың жағдайымен, тамақтану жайымен жіті танысқан.

Альфия Төлеғариеваның айтуынша, орталықта мүлік ұрлығы орын алып, оған шаруашылық бикесінің қатысы бары анықталған.

«Қолданыстағы заңнамаға сәйкес, шаруашылық бикесі істің мән-жайы анықталғанға дейін қызметтен уақытша шеттетілді. Қазір ол орталықтың қызметкері емес. Орталық ұжымы оның үстінен облыс прокурорының атына ұжымдық арыз жазды. Арызда оның қызметтік этиканы сақтамауы, ұрлыққа барғаны, жала жабу мен басқа да заңбұзушылықтар туралы айтылған. Қазір Атырау қалалық полиция басқармасы таралған бейнежазбаға қатысты тексеру жүргізуде», дейді Альфия Төлеғариева.

Соңғы жаңалықтар

Алғашқы жеңімпаз анықталды

Футбол • Бүгін, 08:49

«Уимблдонда» өнер көрсетеді

Теннис • Бүгін, 08:47

Білімде бағындырған белес көп

Аймақтар • Бүгін, 08:43

Аусылдың ауылы алыс

Қазақстан • Бүгін, 08:38

Бетбұрысқа бастар белес

Референдум-2022 • Бүгін, 08:20

Алаңда – Ассамблея жастары

Референдум-2022 • Бүгін, 08:18

247 сайлау учаскесі жұмысын бастайды

Референдум-2022 • Бүгін, 08:14

Азаматтық ұстанымның айқын көрінісі

Референдум-2022 • Бүгін, 08:08

Тарихи сәттен шет қалмайық

Референдум-2022 • Кеше

Маңызы жоғары науқан

Референдум-2022 • Кеше

Ұлағатты ұстаз

Қазақстан • Кеше

Қонаев рухына құрмет

Аймақтар • Кеше

Ұқсас жаңалықтар