Қанқызыл түске боялған Үлкен Алматы өзенІ әлеуметтік желілерде қызу талқыға түсті.
«Бұл Үлкен Алматы өзені. Су қызыл. Мен осы өзеннің бойында тұрамын. Он жыл ішінде мұндайды бірінші рет көріп отырмын. Шамасы, өзенге химиялық заттар құйылған. Бұл экологиялық апат», деп жазды бейнежазба авторы.
Қалалық әкімдіктің хабарлауынша, дәл қазіргі уақытта Үлкен Алматы өзенінің бойында мамандар зерттеу жұмыстарын бастап кеткен. Олар Райымбек даңғылының аймағында судың түсі сәл қызғылт екенін мәлім етті.
Тексеру жұмыстары әлі де жалғасуда.
