Димаш 2020 жылғы 8 наурызда дизайнер Валентин Юдашкиннің мерейтойлық кешінде тұсаукесері өткен Your Love композициясымен өнер көрсетті. Әншінің басты тосын сыйы ақын Шарон Вонның өлеңдеріне Игорь Крутой жазған Stranger әнінің премьерасы болды. Композиция «Жаңа толқын» сахнасында алғаш рет шырқалып, қобыз үнімен сүйемелденді.
Биыл «Жаңа толқын» финалында әлемнің 9 елінен 11 қатысушы бас жүлде үшін бақ сынайды. Қазылар алқасының мүшелері Игорь Крутой, Филипп Киркоров, Светлана Лобода, Сергей Лазарев, Artik & Asti, Леонид Агутин, Дима Билан және Димаш Құдайберген байқауға қатысушылардың шеберлігін бағалайтын болады.
«Бұл менің қазылар алқасындағы алғашқы тәжірибем емес. Бұған дейін мен Қытайдағы Super Vocal жобасында, жақында Славян базарында да қазылық еттім. «Жаңа толқын» байқауында мен алғаш рет қазылар алқасының мүшесі ретінде өнер көрсететін боламын, бұл қуантарлық та, жауапты да сәт. Әрине, мен өз елімнің өкілдері үшін жанкүйер боламын, бірақ көмектеспеймін. Өйткені байқауда принциптілік орнаған, соның арқасында байқау көптеген жылдар бойы өмір сүріп келеді», деп бөлісті Димаш.
Айта кетсек, 2021 жылы «Жаңа толқынмен» Mezzo тобы - Қазақстандағы классикалық кроссовер бағытында жұмыс істейтін алғашқы вокалдық топ. Бұл классикалық және танымал музыка элементтерінің синтезі болып табылатын музыкалық стиль.
