«Сіздердің назарларыңызға «Құрмет грамотасы» туралы ережені ұсынамын. «Құрмет грамотасы» наградасы азаматтарды ынталандыру ісінде маңызды. Яғни адам еңбегін қоғамдық танудың көрінісі. Бұл қалалық әкімдік тағайындайтын мемлекеттік награда.
Нұр-Сұлтан қаласының құрметті азаматы атты комиссияның шеңберінде жұмыс істейді. Яғни белгілі бір азаматқа «Құрмет грамотасын» беру мәселесі арнайы комиссияда қаралып, қала әкімінің келісімінен соң шешім шығады», деді Нұр-Сұлтан қаласы әкімдігі аппаратының құқық бөлімі басшысы Жанасыл Шәукентаев қалалық қоғамдық кеңес отырысында.
Өз кезегінде қалалық қоғамдық кеңес мүшесі Мұхтар Еркетаев марапатталушыға грамотамен бірге төсбелгі тағу идеясын ұсынды.
«Құрмет грамотасымен бірге төсбелгі табыс етуді ұсынамын. Себебі грамота үйде немесе жұмыс орнында тұрады, ал төсбелгіні адам кез-келген жерде тағып жүре алады. Сол арқылы ол кісіні елорданың құрметті азаматы екенін көпшілік тани түседі», дейді ол.
