«Біз Қырғызстанмен бірлескен индустриялық сауда-логистикалық кешендерді іске асыруға кірісеміз. Әріптесіміз – Қырғыз Республикасының вице-премьері - экономика және қаржы министрі Ақылбек Жапаров екеуміз мемлекеттеріміздің үкімет басшыларының қатысуымен кешендерді құру және олардың жұмыс істеуі жөніндегі Тұжырымдамаға қол қойдық», деді Бақыт Сұлтанов.
Хабтарды «Қарасу» шекаралық өткізу пункті маңындағы шекара учаскесінде оқшаулау ұсынылды. Бұл Қырғызстаннан солтүстікке (Қазақстан, Ресей, Қытай Халық Республикасы) тауар тасымалдайтын ең «танымал» транзиттік нүктелердің бірі: бұл өткел «Алматы-Бішкек» халықаралық бағытының жолында орналасқан және автомагистраль Батыс-Шығыс (Батыс Еуропа – Батыс Қытай) көліктік экономикалық дәлізіне қосылады. Жедел жоспарларды жүзеге асыру үшін «Қарасу» - дың өткізу қабілеті кеңейтіледі.
Индустриялық хабтар алаңында өнеркәсіптік кооперация жобалары іске қосылады. Бұл ретте халық тұтынатын қазақ-қырғыз өнімдері мен бірге Индустриялық Сауда-логистикалық Кешендер аумағына шетелдік капитал мен технологиялар да тартылады.
Бұл келісімшарт жоғары технологиялық өндірістік тізбектерге орнығып, үшінші елдердің нарықтарына бірлесіп шығуға мүмкіндік береді.
Индустриялық хабтар Еуразияның тауар өткізу жүйесінің бір бөлігіне айналады және фермерлік өнімдер үшін тартылыс нүктесі болады. Сонымен қатар кейіннен экспортталатын партияларды жинақтау және нығайту орны, сонымен қатар тамақ өнеркәсібінің дайын өнімдерін өңдеу және шығару орны болады деп күтілуде.
«Көршілермен өнеркәсіптік кооперацияны іс жүзінде жүзеге асыру жолындағы алғашқы қадам жасалды. Индустриялық Сауда-Логистикалық кешендері локациясын бекітумен қатар біз қаржылық сипаттағы мәселелерді, оның ішінде хаб аумағында тауарлар өндірісін жеңілдікпен кредиттеу мүмкіндігін пысықтауды бастаймыз», деді министр.
