Polisia.kz сайтының мәлімдеуінше, Меңдіқара ауданының Степановка кентінің 43 жастағы тұрғыны өзіне тиесілі жер учаскесінде 20 түп сора өсірген. Үйді тексеру кезінде жазғы ас үйде салмағы 200 грамнан асатын кептірілген қарасора табылды.
Жер иесінің айтуынша, ол қарасораны жеке пайдалану үшін өсірген. Алынған есірткі мен өсімдіктердің жалпы салмағы 90 келіден асты.
Қазіргі уақытта ҚР ҚК-нің 300-бабының 1-бөлігі «Құрамында есірткі заттары бар, өсіруге тыйым салынған өсімдіктерді заңсыз өсіру» бойынша сотқа дейінгі тергеу басталды.
