Парламент • 27 Тамыз, 2021

Нұрлан Әбдіров Кешірім жасау жөніндегі комиссия құрамына кірді

96 рет көрсетілді

Парламент Сенаты төрағасының орынбасары Нұрлан Әбдіров Қазақстан Республикасы Президентінің жанындағы Кешірім жасау мәселелері жөніндегі комиссия құрамына кірді, деп хабарлайды Egemen.kz.

Жарлық Ақорда сайтында жарияланды. Құжатқа сәйкес, Нұрлан Әбдіров комиссия құрамынан шыққан Игорь Роговты алмастырған.

«Қазақстан Республикасының Президенті жанындағы Кешірім жасау мәселелері жөніндегі комиссияның құрамына енгізілсін: Әбдіров Нұрлан Мәжитұлы - Қазақстан Республикасының Парламенті Сенаты төрағасының орынбасары, төраға (келісім бойынша)», делінген жарлықта.

Айта кетейік, бүгін Тұңғыш Президент – Елбасы қорының атқарушы директорының орынбасары қызметін атқаратын Игорь Роговты Президент жанындағы Адам құқықтары жөніндегі комиссияның құрамына енгізу туралы Президент жарлығы жарияланған болатын.
Соңғы жаңалықтар

Ұқсас жаңалықтар