Оқиға • 27 Тамыз, 2021

Цой Жамбылда жансақтау бөлімінде жатқан науқастардың жағдайын айтты

310 рет
көрсетілді
1 мин
оқу үшін

Жамбыл облысына Денсаулық сақтау министрі Алексей Цой барды. Ол жансақтау бөлімінде жатқан азаматтардың жағдайы туралы айтты, деп жазады Egemen.kz.

Цой Жамбылда жансақтау бөлімінде жатқан науқастардың жағдайын айтты

«Біз қараған екі науқастың жағдайы ауыр болып отыр. Санитарлық авиация мамандары емдеуді жолға қойған. Қазір күю дәрежесінің жоғарылығына байланысты науқастарда шок күйі тіркеліп отыр. Барынша медициналық көмек көрсетіліп жатыр. Жағдай тұрақтанды. Біз аталған науқастар жазылып кетеді деп үміттенеміз. Медициналық қажетті барлық процедура сол мақсатта жасалып жатыр», деді ол.

Цой науқастарды эвакуациялауға қатысты жағдайды түсіндірді.

«Науқастар шок күйінде болғанда, оларға тыныштық керек. Біздің дәрігерлер айтқандай, бұл жерде бұрыннан күйік шалуды емдейтін бөлім жұмыс істейді. Мамандардың тәжірибесі мол. Сондықтан өңірде де науқастарға қажетті көмек көрсетіліп жатыр. Нұр-Сұлтаннан медицина мамандары келді. Олар емдеу тәжірибесін қолдады. Қазір жағдай бақылауда. Қосымша көмек қажет болса, міндетті түрде көрсетіледі. Науқастар қан препараттарын қабылдап жатыр. Қан орталығында науқастарға құйылатын қан жеткілікті. Жаңа ғана оны өзіміз көріп шықтық», деді ол.

Цой, айтқандай, елордадан 3 маман оқиға орнына жеткен.

«Жансақтау бөлімінде 5 науқастың жағдайы ауыр. Қалғандарының жағдайы жақсы. Барлығы қажетті көмекті алып отыр», деді Цой.

 

Соңғы жаңалықтар

Тазалыққа жұмылған жұрт

Аймақтар • Бүгін, 22:30

Сан қырлы қаламгер

Қоғам • Бүгін, 22:20

Жанған хаттан жазу оқыған

Таным • Бүгін, 22:00

«Мона Лиза» көшіріле ме?

Мәдениет • Бүгін, 21:45