Қоғам • 31 Тамыз, 2021

Елімізде жұмыс істейтін жастардың қатары азаюда

77 рет көрсетілді

Жұмыспен қамтылған қазақстандықтардың орташа жасы алдағы жылда ғана өседі, деп хабарлайды Egemen.kz.

Бұл туралы LS басылымы мәлімдеді.

«2050 жылға дейінгі ұзақ мерзімді демографиялық болжам» бойынша, егер 2020 жылы экономикалық белсенді халықтың орташа жасы 39,2 жас болса, 2030 жылға қарай ол 40,9 жасқа дейін өседі. 2050 жылға қарай бұл көрсеткіш 39,9 жылға дейін сәл төмендейді.

Сонымен қатар 2019 жылдың көрсеткіштері бойынша экономикалық белсенділік деңгейін сақтай отырып, 2025 жылға қарай 30 жасқа дейінгі жұмыс күшінің саны 473 мың адамға немесе 2020 жылмен салыстырғанда 19%-ға қысқарады.

2030 жылға қарай жас мамандар саны 2020 жылғы деңгейдің 90% құрайды.

30-50 жас аралығындағы жұмыс күшінің саны 2025 жылға қарай 327 мың адамға өседі (+7%), бірақ 2030 жылға қарай 2025 жылмен салыстырғанда 79 мың адамға азаяды.

50 жастан асқан жұмысшылар 2025 жылға қарай 352 мыңға, ал 2030 жылға қарай тағы 150 мыңға өседі.

Сонымен қатар 2030 жылға қарай экономикалық белсенді халықтың орташа жасы барлық өңірлерде өседі. Оның ішінде Шығыс Қазақстан, Түркістан, Алматы облыстары мен Алматыда жоғарғы көрсеткіштерді байқауға болады, ал ең азы – Атырау мен Қызылорда облыстарында екен.

 

Соңғы жаңалықтар

Доллар арзандады

Қаржы • Бүгін, 15:58

Ұқсас жаңалықтар