Оқиға 1 қыркүйек күні сағат 18:25-те Ақтөбе-Болгарка-Шұбарқұдық автожолында болды. Ақтөбе қаласының 32 жастағы тұрғыны қаладан Шұбарқұдық ауылына қарай бағыт алған.
«ВАЗ-2110» көлігінің жүргізушісі рульді басқара алмай, қозғалыс бағыты бойынша оң жағына аударылып қалды.
«Жол-көлік оқиғасы салдарынан көлік жүргізушісі мен жолаушы алған дене жарақатынан көз жұмды. Сот-медициналық және автотехникалық сараптамалар тағайындалды.
Қылмыстық кодекстің «Абайсызда екі немесе одан да көп адамның өліміне әкеп соққан ЖҚЕ бұзу» бабы бойынша сотқа дейінгі тергеу басталды», деді облыстық ПД баспасөз қызметінің жетекшісі Ерболат Сарқұлов.
