Сенбі күні Қарағанды облысындағы Шет ауданында Ақсу-Аюлы елді мекенінің орталық саябағында сағат 19.20-да бес жасар баланы тоқ соққан.
— Салдарынан баланың сол қолының саусақтары күйді. Ақсу-Аюлы аудандық ауруханасының дәрігерлері медициналық көмек көрсетті. Бала үйде ем қабылдауы үшін ата-анасына тапсырылды, – деп хабарлады Қарағанды облысы полиция департаментінің баспасөз қызметі.
Қылмыстық кодекстің 306-бабы 2-бөлігі 1-тармағына сәйкес («қауiпсiздiк талаптарына сай келмейтін тауарларды шығару немесе сату, жұмыстарды орындау не қызметтер көрсету») қылмыстық іс тіркелді. Оқиғаның мән-жайы анықталу үстінде.
