«2021 жылдың 1 қыркүйегінде Қазақстан Президенті Қасым-Жомарт Тоқаев жыл сайынғы халыққа Жолдауында қазақстандықтарға зейнетақы жинақтарының бір бөлігін жеткіліктілік шегінен жоғары «Отбасы банктегі» шотқа аударуға рұқсат беруді тапсырды. Мемлекет басшысының айтуынша, бұл шара қаражат жинау және оларды сауатты басқару әдетін ынталандыруға мүмкіндік береді. «Отбасы банкі» Президенттің бастамасын қолдайды, өйткені ол қазақстандықтарға қаражат жинау мерзімін екі есе қысқартуға және қоныс тойын тойлауды әлдеқайда ертерек белгілеуге мүмкіндік береді. Қазіргі уақытта 260 мың қазақстандық зейнетақы жинақтарын Отбасы банкі арқылы жалпы сомасы 1,4 триллион теңгеден астам сомаға пайдаланды», деп түсіндірді ұйымның баспасөз қызметі.
Банк қаражат «Отбасы банктегі» және басқа да ЕДБ қарыздары бойынша берешекті өтеуге, толық сатып алуға, ипотека алу үшін бастапқы жарнаны енгізуге, жеке тұрғын үй салуға және учаске сатып алуға бағытталғанын атап өтті. Бұл ретте жас бөлінісінде үлкен үлес (46,1%) 36-45 жастағы азаматтарға тиесілі, 18,5% мөлшеріндегі үлес 26-35 жас шамасында келеді. 18-25 жас аралығындағы салымшыларға зейнетақы қорынан алынған қаражаттың бар болғаны 0,1% - ы тиесілі.
«Отбасы банкінде» Мемлекет басшысының жаңа бастамасы бірінші кезекте жас қазақстандықтарға тұрғын үй мәселесін шешуге көмектеседі деп санайды. Өйткені оларда тұрғын үй сатып алу немесе бастапқы жарна үшін жеткілікті жинақтар жоқ. Банктің бағалауы бойынша 190 мыңға жуық жас отбасы бұл мүмкіндікті бір жыл ішінде пайдалана алады. Жыл сайын тағы да 15 мыңға жуық отбасы салымдар ашатын болады.
«Жалпы Бірыңғай жинақтаушы зейнетақы қорына (бұдан әрі – БЖЗҚ) біржолғы зейнетақы төлемін алуға өтінім беру тәртібі enpf-otbasy.kz платформасы арқылы қазіргі кездегідей болады. Салымшының шотынан БЖЗҚ-ға «Отбасы банктегі» арнайы шотқа қаражат түскеннен кейін, біржолғы зейнетақы төлемдері тұрғын үй құрылысы жинақтарының депозитіне жіберілетін болады. Аталған тетік жыл соңына дейін пысықталып, іске қосылады деп жоспарлануда. Бұл ретте, банктегі шотта, оның ішінде зейнетақы жинақтарынан қаражат жинай отырып, салымшылар кейіннен тұрғын үй немесе аралық қарыз ала алады, сондай-ақ банктің қолданыстағы барлық бағдарламаларын пайдалана алады», деп атап өтті ұйымның баспасөз қызметінде.
Яғни, жаңа енгізілім қазақстандықтардың «Отбасы банкінің» шотына жеткіліктілік шегінен асатын кез келген соманы аудара алатынын және мұны ай сайын жасауға болатынын көздейді.
«Бұл ретте аударылған қаражаттың бастапқы жарнаға бірден жетуі міндетті емес. Алғашқы кезде ақшаны одан әрі бастапқы жарна ретінде пайдалану және банк бағдарламалары бойынша кредит алу үшін жай ғана жинақтауға болады», деп толықтырды «Отбасы банкінің» баспасөз қызметі.
