Әлем • 08 Қыркүйек, 2021

11 қыркүйектегі лаңкестіктің екі құрбаны 20 жылдан кейін анықталды

2001 жылдың 11 қыркүйегінде орын алған Нью-Йорктегі шабуылда қаза тапқан тағы екі құрбанның сүйегі 20 жыл өткен соң табылды, деп хабарлайды Egemen.kz Daily Mail-ге сілтеме жасап.

Ботакөз БАҚБЕРГЕН

Медициналық сарапшылар Нью-Йорктегі Хемпстед қаласынан Дороти Морганның қалдықтарын анықтады. Ол 2 753 адамның өмірін қиған апаттан кейін қалпына келтірілген белгісіз қалдықтардың ДНҚ-сын үнемі тексеріліп отырған 1646-шы құрбан болды,

1647-ші құрбан атанған екінші адамның аты туыстарының өтініші бойынша жарияланбаған. Оның жеке басын 2001, 2002 және 2006 жылдары табылған қалдықтар растады.

«20 жыл бұрын біз Дүниежүзілік сауда орталығында қайтыс болғандардың отбасыларына олардың туыстарының қалдықтарын анықтау үшін қолдан келгеннің бәрін жасаймыз деп уәде бердік. Біз қасиетті парызымызды орындауды жалғастырудамыз. 2001 жылдың 11 қыркүйегінен бастап қанша уақыт өтсе де барлық жоғалған адамдар отбасыларымен қайта қауышуы мүмкін екеніне көз жеткізу үшін қолымыздағы барлық құралдарды қолдануға міндеттіміз», деді Нью-Йорк қаласының бас сот сарапшысы доктор Барбара А.Сэмпсон.

Нью-Йорктің бас медициналық сарапшысы Кеңсесінің мәліметінше, Дүниежүзілік сауда орталығының шабуыл құрбандарын анықтауға бағытталған көп жылдық күш-жігер АҚШ тарихындағы ең үлкен және ең күрделі сот тергеуі болып саналады.

11 қыркүйектегі Дүниежүзілік сауда орталығына шабуылдың құрбандары 2 753 адам болды, осы шабуылдардан зардап шеккендердің саны 1 647 адамды құрайды, қайтыс болғандардың шамамен 40 пайызы немесе 1 106 адам әлі анықталған жоқ.

Еске сала кетсек, 2001 жылдың 11 қыркүйегінде 19 террористтен тұратын топ АҚШ-та төрт жолаушылар ұшағын басып алды, олардың екеуі кейіннен Нью-Йорктегі Дүниежүзілік сауда орталығының биік мұнараларына құлады. Тағы біреуі Америка астанасының жанындағы Пентагон ғимаратын қағып кетті, ал төртіншісі жолаушылар мен экипаж террористерді бейтараптандыруға тырысқаннан кейін Пенсильваниядағы Шанксвилл қаласының жанында құлады.

Террористік шабуылдар үшін жауапкершілікті Қазақстанда тыйым салынған «Аль-Каида» террористік ұйымы өз мойнына алды.

Күннің маңызды және өзекті жаңалықтарын «Егемен Қазақстан» телеграм каналынан оқыңыз