Спикердің айтуынша, елімізде мектептердің 95%-дан астамы оқу процесін бір немесе екі ауысымда штаттық форматта өткізіп жатыр. Мектептердің 5%-ы орын тапшылығы бар немесе үш ауысымды мектеп.
«Бүгінгі күні мектептердің 87%-дан астамында сабақ толығымен штаттық форматта өтіп жатыр. Ал мектептердің 13%-ға жуығы кей пәндерді қашықтан жүргізеді. Бұл формат әдістемелік нұсқаулықта рұқсат етілді. Тек 0,2%-ы ғана оқу процесін қашықтан өткізіп жатыр. Оған оқушының сырқаттанып қалған жағдайы немесе ауырған адаммен байланыста болғаны себеп болуы мүмкін», деді Каринова.
