Фото: instagram / thisisbillgates
Келісімшарт құны 70 миллион долларға дейін жетуі мүмкін. Ақша орнына қор Exscientia-ның үлесін алады, деп хабарлайды Lenta.ru.
Сонымен қатар, «алынған қаражаттың бір бөлігі COVID-19 емдеуге және болашақта пандемияның алдын алуға арналған жаңа антивирустық таблеткалар жасауға жұмсалады деп болжанып отыр. Бұл Гейтстің фирмаға екінші ақшалай салымы», деп жазады CNBC.
Компания коронавирусты, әсіресе COVID-19, сондай-ақ тұмау мен жануарлардан адамға жұғып, тыныс жолдарының ауруын тудыратын Nipah вирусын емдеумен айналысады. Стартап жасанды интеллект коронавирусқа қарсы дәрі-дәрмек шығару уақытын 20 пайызға қысқартатынын мәлімдеді.
«Ағымдағы COVID-19 пандемиясы біздің вирус пен олардың штаммдарына қарсы арсеналымызды кеңейту үшін қауіпсіз және тиімді кең спектрлі препарат әзірлеудің өзектілігін көрсетеді», деп түйіндеді Exscientia бас директоры Эндрю Хопкинс.
Exscientia бұған дейін жапондық Sumitomo Dainippon Pharma дәрі-дәрмек өндірушісімен бірлесіп, психикалық ауруларды емдеуге арналған екі дәрі шығарды.
