• 28 Қаңтар, 2014

Теннис: Қазақстан Бельгия командасымен кездеседі

281 рет

көрсетілді

1 мин

оқу үшін

Egemen Qazaqstan

31 қаңтар мен 2 ақпан аралығында Астанада теннистен Қазақстан ұлттық құрамасы мен Бельгия командасының арасында Дэвис кубогы жолындағы жарыстың 1/8 финалдық кездесуі өтеді. Бұл туралы egemen.kz тілшісі хабарлады. Ертең, 29 қаңтар күні Ұлттық теннис орталығында Қазақстан мен Бельгия құрамаларының баспасөз мәслихаты өтеді. 30 қаңтарда «Астана опера» опера және балет театрында жеребе тарту рәсімі мен тағы да баспасөз мәслихатын өткізу жоспарланып отыр. Ал 31 қаңтарда сағат 11.45-те Ұлттық теннис орталығында Дэвис кубогының ресми түрде ашылу салтанаты өтеді. Осыдан кейін бірден командалар арасында матч басталады. 1 ақпан күнгі ойындар да сағат 12.00-де басталса, жанкүйерлер Қазақстан мен Бельгия арасындағы соңғы күнгі кездесуді сағат 14.00-ден бастап тамашалай алады. Дастан Кенжалин. Дереккөз: Қазақстан теннис федерациясы.