Тағайындау • 13 Қыркүйек, 2021

Вице-министр Қожағапанов қызметінен босатылды

33 рет көрсетілді

Қазақстан Республикасы Үкіметінің қаулысымен Ерлан Қожағапанов Қазақстан Республикасы Мәдениет және спорт вице-министрі қызметінен босатылды. Бұл туралы ҚР Премьер-Министрінің баспасөз қызметі хабарлады, деп жазады Egemen.kz.

Ерлан Қожағапанов 1968 жылы Алматы облысында туған.

1992 жылы Қарағанды мемлекеттік университетін, 1999 жылы Алматы мемлекеттік университетін тәмамдады. 2006 жылы РФ Мемлекеттік Кеден комитетінің Ресей Кеден академиясын экономист, қаржыгер, заңгер мамандығы бойынша бітірген.

Еңбек жолын 1987 жылы бастаған. 1990–1994 жылдары кәсіпкерлік қызметпен айналысқан. 1994–2007 жылдары мемлекеттік органдар мен кәсіпорындарда жұмыс істеген.

2007–2013 жылдары Астана қаласы әкімінің орынбасары қызметін атқарды. 2013–2016 жылдары ҚР спорт және дене шынықтыру істері агенттігінің төрағасы, ҚР Футбол федерациясының президенті болып істеген.

2016 жылдың желтоқсанынан бастап қазіргі уақытқа дейін ҚР Премьер-Министрінің кеңесшісі қызметін атқарған.

ІІ дәрежелі «Айбын» орденімен, «Құрмет» орденімен марапатталған.

2021 жылдың сәуірінен қазіргі уақытқа дейін Қазақстан Республикасының Мәдениет және спорт вице-министрі болды.

Соңғы жаңалықтар

Айбергенов күнделігі

Әдебиет • Кеше

Кофе және әдебиет - 6

Әдебиет • Кеше

Жасанды интеллект дәуірі

Технология • Кеше

Ұқсас жаңалықтар