«7 қыркүйекте, сағат 03:30 шамасында, Павлодар-Қызылорда автожолының 113-ші шақырымында жол-көлік оқиғасы орын алды. Онда 34 жастағы «Тойота Камри» автокөлігінің жүргізушісі жол металл кескішпен соқтығысып, кейін көлік траекториясын өзгертіп, «Shengrun» тралына ілініп тұрған «МАЗ» автокөлігімен соқтығысқан. Жол апаты салдарынан «Тойота Камри» автокөлігінің екі жолаушысы алған жарақаттарынан оқиға орнында қайтыс болды», деді Павлодар облыстық полиция департаменті бастығының бірінші орынбасары Жасқайрат Қайыров.
Аталған дерек бойынша Қазақстан Республикасы ҚК-нің 345-бабының 4-бөлігі «Көлік құралдарын басқаратын адамдардың жол қозғалысы немесе көлік құралдарын пайдалану ережелерін бұзуы» бойынша сотқа дейінгі тергеу басталды.
«Тағы бір қайғылы оқиға 10 қыркүйекте сағат 01:10-да Шідерті кентінің жанындағы «Павлодар-Нұр-Сұлтан» автожолында орын алды. «Тойота Камри» жүргізушісі рульде ұйықтап қалып, ілеспе бағытта келе жатқан тіркемеге ілінген Камазбен соқтығысты», деп хабарлады Павлодар облысы полиция департаментінің баспасөз қызметі.
Нәтижесінде «Тойота Камри» автокөлігінің бір жолаушысы қайтыс болды, ал екіншісі дене жарақаттарымен ауруханаға жеткізілді. Қазіргі уақытта сотқа дейінгі тергеу жүргізілуде.
Жыл басынан бері Павлодар облысының жолдарында 356 апат тіркеліп, 31 адам қаза тапты.
