Атап айтқанда Маңғыстау облысында жел және күн электр станцияларының құрылысына қатысты жобаны іске асыру және содан кейін ресурстарды «жасыл» сутегі өндірісіне бөлу жоспарланып отыр. Сонымен қатар жел генераторлары мен күн энергиясын өндіретін панельдерді жергілікті жерде шығару мүмкіндігі қарастырылып жатыр.
Қасым-Жомарт Тоқаев жаңартылатын қуат көздерін пайдалануға және ел экономикасындағы көміртегіне тәуелділікті төмендетуге басымдық беретінін айтты. Оның пікірінше, сутегі энергетикасына арнайы назар аудару керек.
Мемлекет басшысы компанияның ұсынған инвестициялық ұсыныстарын оң бағалап, Вольфганг Кроппқа мемлекет тарапынан қолдау көрсетілетінін айтты.
