Ұлттық банк төрағасының мәлімдеуінше, биылғы жылғы сәуір-тамыз аралығында жылдық инфляция 7,0%-тен 8,7%-ға дейін жылдамдады. 2008 жылдан бері алғаш рет тамызда бағаның өсу көрсеткіші ең жоғары болды.
«Азық-түлік инфляциясы тарапынан бағаларға негізгі қысым көрсетіледі. Оның жылдық өсуі бір айда 0,4 пайызға өсіп, осы жылғы тамызда 11,4%-ға жетті. Ет, көкөністер, май және қант бағасының өсуі байқалады. Осы тауарлардың азық-түлік компонентіне қосатын үлесі биылғы мамыр-тамызда 2,55 пайызды құрады», деді ол.
Сонымен қатар ет бағасының өсуіне жем-шөптің 25%-ға қымбаттауы да әсер еткенін атады. Себебі, министрдің айтуынша, жем-шөп дақылдарының құны ет өндірісінің өзіндік құнының 70%-ын құрайды.
