Туризм • 17 Қыркүйек, 2021

Алматыда 6 кемпинг аймағы ашылады

12 рет көрсетілді

Үкімет басшысының ресми сайты Алматыда туризмді дамыту үшін атқарылып жатқан жұмыстарға шолу жасады, деп жазады Egemen.kz.

«2020 жылы туризм коронавирус пандемиясынан аса зардап шеккен салалардың бірі болды. Алматыда 2020 жылдың 11 айында шетелдік туристер саны 72,5%-ға азайды. Санитарлық-эпидемиологиялық жағдайдың жақсаруына байланысты 2021 жылы Алматыда туристер санын жылына 1 миллионға дейін арттыру жоспарланған», деп жазылған шолуда.

Осы жылдың 7 айында туризм саласына салынған инвестициялар 56,8 млрд теңгені құрады (өсім 2,4 есе). Бұл қала инвестицияларының жалпы көлемінің 10%-ын құрайды. 

2021 жылдың екі тоқсанының қорытындысы бойынша Алматы қаласындағы орналастыру орындары бойынша туристердің жалпы саны 501,4 мыңнан астам адамды құрады, оның ішінде шетелдіктер — 54,2 мың адам, ішкі туристер – 447,2 мыңнан астам адам.

2021 жылдың 8 айында Алматы қаласына 235 мыңнан астам шетелдік жолаушы келді. Бұл өткен жылдың сәйкес кезеңімен салыстырғанда 2 есе көп. Бүгінде келушілердің бестен бір бөлігі және шетелдік туристердің 45%-ы Алматыға келеді. Бұл елдің әрбір екінші шетелдік туристі.

Осыған байланысты жыл сайын қалада халықаралық деңгейдегі қонақ үйлер салынады.

«Сондай-ақ биыл экологиялық туризм саласындағы 4 жобаны іске асыруды бастау көзделіп отыр. 2021-2022 жылдар аралығында Medeu Park Hotel қонақ үй кешенін, Qazaq Ayl эко-отелін, Бутаковкада Tau-Tas глэмпингін, Түйік-Су шатқалында глэмпингті, Бутаковкада Tau Hub визит-орталығын, ҮАК-та визит-орталығын салу жоспарланған», деп жазады Үкімет басшысының баспасөз қызметі.

Қалалық ортада қонақтарға жайлы болуы үшін қаланың ең танымал туристік орындарында 5 визит-орталық пен 25 санитарлық-гигиеналық торап орнату жоспарланған.

«Таулы жерлерде 3 жыл ішінде 1000 км-ден астам таулы жаяу маршруттар цифрландырылды, олардың 500 км-ге жуығы абаттандырылды. 2021 жылы Үлкен және Кіші Алматы шатқалында 6 кемпинг аймағын құра отырып, жалпы ұзындығы шамамен 172 км болатын тау бағыттарын абаттандыру көзделген», деп жазылған шолуда.  

Таудағы туристердің қауіпсіздігін қамтамасыз ету үшін 2021 жылы төмендегі нысандардың құрылысы аяқталады:

- Кіші және Үлкен Алматы шатқалдарында тауда құтқарушылардың 16 адамнан тұратын қосымша штатының тәулік бойы кезекшілік етуімен 2 бақылау-құтқару пункті;

- «Түйік-су» шатқалындағы тікұшақ алаңы;

- 15 радиорелелік діңгек орнатумен (құтқару отрядтарына дабыл беру батырмалары бар) және «Tau Go» смарт-навигатор қосымшасын әзірлеумен тау маршруттарының шалғай тораптық учаскелерінде 15 тау үйшігі;

- таулы жерлерде туристік навигацияның бірыңғай жүйесін құру.

Сондай-ақ «Қазақтелекоммен» бірлесіп таудағы «ақ аймақтарды» ұялы байланыспен қамту жобасы пысықталып жатыр. 

Соңғы жаңалықтар

6 өңір «жасыл» аймақта тұр

Коронавирус • Бүгін, 09:20

Алматыда қылмыс азайды

Аймақтар • Кеше

Ұқсас жаңалықтар