Оқиға • 17 Қыркүйек, 2021

Ауыратлет Альберт Линдердің өліміне қатысты қылмыстық іс қозғалды

40 рет көрсетілді

Алматы облысының полициясында қазақстандық ауыратлет Альберт Линдердің өліміне қатысты қылмыстық іс қозғалды, деп хабарлайды Egemen.kz.

«Алматы облысының Полиция департаменті дерек бойынша ҚР ҚК-ның 105-бабы «Өзін-өзі өлтіруге дейін жеткізу» бойынша соталды тергеу басталғанын хабарлайды. Сот-медициналық сараптама тағайындалды», деді Алматы облысы полиция департаментінің баспасөз қызметі өкілдері.

Еске салайық, бұған дейін Ауыр атлетика федерациясы спортшы қайтыс болғанын хабарлаған болатын. Дереккөз мәліметінше, Альберт Линдер өз-өзіне қол салған. Басқа деректер әлі белгісіз.

Альберт Линдер 25 жаста, Талдықорған қаласының тумасы. Ол жастар чемпионы, Азия чемпионы, Универсиаданың жеңімпазы және рекордшысы, Қазақстанның бірнеше дүркін чемпионы болған.
Соңғы жаңалықтар

9 су қоймасы салынады

Экология • 22 Қазан, 2021

Ұқсас жаңалықтар