Аймақтар • 19 Қыркүйек, 2021

Алматыда жаңа демалыс орны ашылады

47 рет көрсетілді

Қала күні отбасылық демалыс саябағы таныстырылды, деп жазады Egemen.kz.

Алматы қаласының әкімі Бақытжан Сағынтаев жобамен танысты. Наурызбай ауданы әкімдігінің жанындағы 4,56 га аумақта ескі саябақтың орнына жаңа саябақ салынады.

«Мұнда тек ауданның ғана емес, бүкіл қала тұрғындары отбасымен және достарымен уақыт өткізуге, жаңа аттракциондарға мінуге, аллеяларда серуендеуге және таза ауада тамақтануға келетін болады. Саябақта 44 аттракцион мен 4 фудкорт болады», деп жазады қала әкімінің баспасөз қызметі.

Хабарламаға сүйенсек, балалар батутта секіре алады, виртуалды шындық әлеміне енеді, үшінші қиындық деңгейіндегі арқан жолынан өтеді, лабиринттен шығудың жолын табады, өзінің Lego үйін салады және, әрине, туған күнін тойлай алады.

Саябақтың бірегей тұжырымдамасының нәтижесінде оның барлық қонақтары жасына қарамастан көңіл көтере алады.

«Alem Park — бұл жай ғана саябақ емес, түрлі-түсті шабындықтары, сәулеттік құрылымдары, арқан саябағы, альпинистік қабырға, жайлы кафелер мен басқа да көптеген ойын-сауықтары бар тұтас қала», деп жазылған хабарламада.

Айта кетерлігі, саябаққа 500-ге жуық ағаш отырғызылады. Осы жобаны жүзеге асырудың арқасында Алматыда жаңа үлкен демалыс және ойын-сауық саябағы пайда болады, ол тұрғындардың жиналатын орнына айналады, алматылықтардың жайлы тұруы мен демалысын қамтамасыз етеді.

Соңғы жаңалықтар

Өрлеуге бастайтын өзгеріс

Референдум-2022 • Кеше

Алтын сатып алудың маңызы

Экономика • Кеше

Көкейкесті мәселелер тыңдалды

Референдум-2022 • Кеше

Ұлт ұстазына бөкейліктердің құрметі

Ахмет Байтұрсынұлы • Кеше

Таупістелі тағылымы

Аймақтар • Кеше

Ұқсас жаңалықтар