Саясат • 21 Қыркүйек, 2021

Кәсіпкерлерден пара алғандар әшкереленді

43 рет көрсетілді

Шығыс Қазақстан облысы бойынша Сыбайлас жемқорлыққа қарсы қызмет көліктік бақылау инспекциясының 11 қыз­меткерінен тұратын қылмыстық топ қызметінің жолын кесті. Қылмыстық схеманы инспекция бөлімдерінің бірінің басшысы ұйымдастырған.

Аталған лауазымды тұлға­лар өңірдегі жалпы қамқор­лық пен кедергісіз жүріп-тұру үшін жүк тасымалдау сала­сын­дағы кәсіпкерлерден пара алып келген екен. Пара сомасы 10 000-нан 50 000 теңгеге дейін­гі аралықты құраған. Оны жүк көлігі жүргізушілері қол алысу кезінде Инспекция қыз­мет­керлеріне беріп отыр­ған. Алынған паралардың күн­делікті айналымы 150 мыңнан 500 мың теңгеге дейін барған.

Сыбайлас жемқорлыққа қарсы іс-қимыл агенттігінің хабарлауынша, ақша аудары­мының барлығы 20-дан астам эпизоды құжатталды. 4 адам­ға қатысты сот «қамауға алу» бұлтартпау шарасын таңда­ды, қалған лауазымды тұлға­лар кінәсін толық мойында­ды және тергеумен белсенді ын­ты­­мақ­тастыққа келді.

Қазіргі уақытта агенттік атал­ған қыл­мыстық схеманы жою және осыған ұқсас жем­қор­лық құ­қық бұзушы­лықтарын жасауға жол бермеу бойынша кешенді алдын алу жұмыстарын бастады.

Сыбайлас жемқорлыққа қарсы қызмет сондай-ақ қазір Ауыл шаруашылығы министрлігінің Агро­өнер­кәсіптік кешеніндегі мемле­кеттік инспекция комитетінің «Фитосанитария» ШЖҚ РМК басшылығына қатысты айтарлықтай мөлшерде пара алу фактісі бойынша қыл­мыстық істі тергеп жатыр. 

Аталған тұлға «Фито­са­нитария» ШЖҚ РМК-ның 11 аумақтық филиалына жет­кізілетін тауарларды қа­был­дау-беру актілеріне кедер­гісіз қол қойғаны және жалпы қам­қорлығы үшін жеткізуші ком­паниялардың өкі­лінен ай­тар­лықтай мөл­шер­де пара алғаны үшін айып­­талуда.

Барлық ұстал­ған адам­ тергеумен ынты­мақтас­тық­қа келді және мо­йын­­дау айғақтарын беруде. Күдікті­нің кінәсі туралы тү­кпілік­ті шешімді сот шығарады. Өзге ақпарат тергеу мүддесінде жария етілмейді.

 

Соңғы жаңалықтар

Әуезов және түркі әлемі

Руханият • Кеше

Идеология

Руханият • Кеше

Мейірім мен қатыгездік

Руханият • Кеше

Ескі мен жаңа арасы

Руханият • Кеше

Би падишасы

Руханият • Кеше

Сапа қайтсе жақсарады?

Қазақстан • Кеше

Қайырымдылықтың үлгісі

Қазақстан • Кеше

Сақ дәуірінің тасы

Таным • Кеше

Ұқсас жаңалықтар