Аймақтар • 21 Қыркүйек, 2021

Жамбыл өңірінде жомарт жандар марапатталды

230 рет
көрсетілді
5 мин
оқу үшін

Жамбыл өңірінде игі бастамаларға барынша қолдау көрсетіп, қолда барын көпшілікпен бөлісіп келе жатқан азаматтар баршылық. Қоғамда қайырымды жандарға құрмет те бөлек. Аймақтағы Атымтай Жомарт азаматтарды көпшілікке үлгі ету мақсатында, «Рухани жаңғыру» бағдарламасы аясында төртінші жыл қатарынан «Жомарт жүрек» сыйлығы тапсырылып келеді. «Жомарт жүрек» қайырымдылық саласындағы бұл сыйлық Ақпарат және қоғамдық даму министрлігімен бірге елімізде қайырымдылық қызметін дамытуға елеулі үлес қосқан азаматтарды іздестіру және көтермелеу, оларға қоғам назарын аудару мақсатында тағайындалған.

Жамбыл өңірінде жомарт жандар марапатталды

Дәстүр бойынша Тараз қаласында­ғы Қайрат Рысқұлбеков атындағы сая­бақта Жамбыл облысының әкімі Бер­дібек Сапарбаевтың қатысуымен «Жо­март жүрек» сыйлығының облыстық ке­­зеңдегі лауреаттарын марапаттау рә­сі­мі өтті. Салтанатты жиында облыс басшысы қайырымдылық шара­ларын ұйым­дастырумен айналы­сып келе жат­­­қан азаматтарға алғыс біл­дірді. «Қайы­рымдылық – біздің қасиетті құнды­лы­ғымыз. Біз қашаннан бір-бірі­мізді қол­дап, көмек көрсетіп, мейірімділік та­нытамыз. Сонау ашаршылық, со­ғыс кезінде де ата-бабаларымыз ұл­ты­на, тіліне қарамай көпке көмек көр­сетіп, қолұшын бергені белгілі. Сол игі дәстүр әлі де жалғасын тауып келеді. Ел­ба­сымыздың «Рухани жаңғыру» бағ­дарламасының аясында қолға алын­ған «Жомарт жүрек» жобасы біздің өңірі­мізде де табысты жүзеге асуда. Қам­­қорлықты қажет ететін отбасыларға біз­­дің демеушілеріміз, кәсіпкерлеріміз үнемі қайырымдылық танытады. Бұ­дан бөлек облыста «Жомарт түлек» жо­басын жүзеге асырудамыз. Ондағы мақсат – табысты түлектерді өзінің мектебінің, туған ауылының әлеуметтік мәселелерін шешуге, өркендетуге тарту, сондай-ақ олардың өнегелі өмір жо­лын кейінгі ұрпаққа үлгі ретінде ұсы­ну. Сонымен қатар халқымызды бір­лікке үндейтін «Асарлатып үй салу жоба­сын» қолға алған болатынбыз. Ежел­ден келе жатқан игі дәстүр – асар әді­сін қайта жаңғыртқан бұл бастама аясын­да кәсіпкерлер мен қайырымды жан­дар атсалысып, көптеген мұқтаж от­ба­сына үй салып беруде. Біз бірлі­гіміз бен ұйымшылдығымыздың, табан­ды­лығымыздың арқасында барлық қиын­шылықты еңсере аламыз», деді облыс әкімі. Бұдан кейін Бердібек Сапарбаев облыстық іскер әйелдер қауымдастығы қоғамдық бірлестігінің төрайымы Ме­руерт Лештаеваны «Жылдың үздік ұйы­­мы» ата­лымымен марапаттады. Атал­ған қоғамдық бірлестік тарапынан Байзақ ауда­нын­дағы жарылыстан зардап шеккен тұр­ғындарға көмек көрсету үшін 500 мың теңгеден астам қаражат жинап, оған Қайнар ауылындағы 19 отбасына азық-түлік сатып әперген. Ал балаларды қор­ғау мерекесіне қаланың қоғамдық бірлес­тіктерінен 110 балаға жалпы көлемі 1,2 мил­лион теңгеге сыйлық алып берген. Оның ішінде мүмкіндігі шектеулі бала­лар мен оларды тәрбиелеп отырған ата-аналар да қамтылған.

Сонымен қатар «Туған өлке» аталы­мы Еркінбек Куатбековке тапсы­рылды. Ол Талас ауданы Майтөбе ауы­лына жалпы құны 18 миллион теңге бо­латын кіші футбол алаңын және 1,2 миллион теңгеге Street workout са­­лып берген. Ал «Жылдың үздік қам­­қоршы­сы» аталымын осы жылы М.Мәме­това атындағы №13 жалпы орта білім беретін мек­тепке құны 12 миллион тең­гені құрайтын STEM лаборатория­сын сыйға тартқан Әбутәліп Мүтәлі иеленсе, «Жыл тұлғасы» аталымымен Ғалия Әбітаева марапатталды. Ол биыл 30 жылға жуық баспанасыз жүрген, төрт ұлынан айырылған қос қарияға және оның екі жетім не­ме­ресіне үй алып беру мақсатында қайы­рымдылық ак­циясын ұйымдастырып, атал­ған тұр­ғындардың баспаналы болуына ат­са­лысқан. Сондай-ақ коронавирус інде­тіне байланысты карантин талаптары мен тәртіптерін орын­дауға шақырған және көпшіліктің вакцина салуы үшін ел ішінде наси­хат, үгіт жұмыстарын жүргізген. Меди­ци­налық және шаруашылық заттар алу үшін тұрғындарға үндеу тастап, 60 миллион теңгеден астам қаржы жинауға ықпал еткен. Сөйтіп Шу ауданындағы емхана және ауруханаларды жабдықтауға мол үлесін қосқан. Ал «Жыл мецена­ты» ата­­лымын Талғат Тұрғымбаев иелен­ді. Ол Жуалы аудандық орталық ауруха­насына жалпы құны 109 миллион теңгеге қажетті құрал-жабдықтар сатып алып берген. Оның ішінде заманауи құрал-жаб­дықтармен толықтай жабдықталған реани­мобиль, 30 оттегі баллоны, 3000 дана жеке қорғаныш киімдері, меди­ци-­
налық қызметкерлер жұмыс барысында күнделікті пайдаланатын 5000 дана «КН-95» маркалы респиратор, 5000 дана бір рет және көп рет қолданылатын ар­найы қорғаныс костюмдері, бір рет қолда­нылатын медициналық қолғаптар сияқ­ты қорғаныш құралдарын және 10 дана от­тегі концентраторларын алып бер­ген. Жомарт жандарға бұл аталымдар­ды облыстық мәслихаттың хатшысы Мах­метғали Сарыбеков, облыстық ардагер­лер кеңесінің төрағасы Еркінбек Сол­тыбаев, облыстық кәсіподақтар бірлес­тігінің төрағасы Бағлан Қарашолақов, М.Х.Дулати атындағы Тараз өңірлік уни­­верситетінің ректоры Талғат Ешен­құлов тапсырды. Жеңімпаздарға арнайы диплом­дармен қатар, қаржылай сыйлықтар да табыс етілді.

 

Жамбыл облысы