Өнер • 22 Қыркүйек, 2021

Анталияда 58-ші «Алтын апельсин» кинофестивалі өтеді

156 рет
көрсетілді
1 мин
оқу үшін

Түркияның «туристік астанасы» Анталияда өтетін 58-ші «Алтын апельсин» кинофестивалінің қазылар алқасы құрамына кіретін адамдардың есімдері белгілі болды, деп хабарлайды Egemen.kz.

Анталияда 58-ші «Алтын апельсин»  кинофестивалі өтеді

Халықаралық фестивальдің қазылар алқасын Канн кинофестивалінде «Ібіліс» (1991) және «Қарға» (1994) фильмдері үшін марапат алған поляк кинорежиссері Дорота Кендзевска басқарады. 

Қазылар алқасына сонымен қатар актер Али Сулиман, швед журналисті Ева аф Гейерштам, француз кинопродюсері Гийом де Сей және болгар актрисасы Маргита Гошева кірді. 

Сондай-ақ, фестивальге дайындық аясында Халықаралық көркем фильмдер байқауында ұсынылатын туындылар анықталды. 

Бұл тізімге Германия, АҚШ, Бельгия, Ұлыбритания, Бразилия, Болгария, Чехия, Финляндия, Франция, Грузия, Испания, Швейцария, Италия, Коста -Рика, Мексика, Монако және Ресей сияқты елдердің 10 фильмі енген. 

Байқау жеңімпаздары 9 қазанда «Алтын апельсин» фестивалінің жабылу және марапаттау рәсімінде белгілі болады. 

Марапаттар «Үздік халықаралық көркем фильм», «Үздік режиссер», «Үздік актер» және «Үздік әйел рөлі» номинациялары бойынша беріледі. 

2 қазанда басталатын фестивальге дайындық қызу жүріп жатыр.