Қоғам • 23 Қыркүйек, 2021

Депутаттардың игі істері

254 рет
көрсетілді
4 мин
оқу үшін

Nur Otan партиясы әлеуметтік желілердегі ресми аккаунттарында қазақстандықтарға барлық деңгейдегі мәслихат депутатта­рын таныстыруды жалғастырып жатыр. Олардың көпшілігі түр­лі әлеуметтік жобаны жүзеге асырып, қайырымдылықпен және ерекше қажеттілігі бар азаматтарды қолдаумен айналыса­ды.

Депутаттардың игі істері

Солардың бірі – партияішілік прай­мериздердің жеңімпазы, Түр­кіс­тан облыстық мәсли­ха­тының депутаты Динара Егам­бер­­диева. Белсенді азаматтық ұс­та­нымына сүйене отырып, «Бо­ла­шақ» бағ­дар­ламасы бойынша Ноттин­гем уни­верситетінің түлегі қысқа уа­­­қыт ­ішінде көптеген игі іс ат­қар­ды.­

Ол өз есебінен Сайрам аудан­дық ауруханасына өкпені жасанды тыныстандыру аппараты мен 10 оттегі баллонын сатып әперді, 20 мың медициналық маска таратты. Сондай-ақ «Бақытты отбасы» партиялық жобасы аясында 112 мұқтаж отбасыны ең қажетті тауарлармен қамтамасыз етті.

Партияның тағы бір өкілі –
Қос­танай облыстық мәс­ли­хаты­н­ың депутаты Динара Шү­кі­­жа­­нова. Ол еңбек жолын Соко­лов-Сарыбай тау-кен байыту өндірістік бірлестігіндегі Nur Otan партиясының аудандық фи­лиа­лында бастап, содан кейін «Агро­машХолдинг KZ» АҚ-ға ауысқан.

Оның бастамасы бойынша холдинг тарапынан ерекше қа­жеттілігі бар балаларды бе­йім­дей­тін лагерьге ақша аударылды. Ол инженер мамандарды оқыту үшін корпоративтік университет ашуға бастамашы болды. Со­ны­мен қатар кәсіби қызметінен бөлек, Қостанай қаласындағы кәмелетке толмағандарды бейім­деу орталығына көмектесіп, қайы­рым­­дылықпен айналысады.

Нұр-Сұлтан қалалық мәс­ли­­хатының депутаты Салтанат Джена­лаева ­да партиялас әріп­тестерінен қалыспады. Каран­тин кезінде ол елордадағы 500-ден астам көпбалалы және аз қам­тылған отбасыны азық-тү­­лік, дәрі-дәрмекпен қам­­та­масыз етті. Сондай-ақ Жаңа­өзен қаласындағы гемодиа­лиз орталығын заманауи жаб­дықтармен жарақтандыруға көмек көрсетті.

Ақтөбе қалалық мәслиха­тын­да­ғы Nur Otan партиясының депута­ты Ардақ Өтегенов «Қарғалы» тұр­ғын алабы мен Сарбаз ауылын «Гауһар» бау-бақша ұжымымен жалғайтын 80 метрлік аспалы көпір салды. Ол аудандарды аралай жүріп, тұрғындар өзеннің арғы бетіне өту үшін қандай қиындық шегіп жүргенін көрген. Бұл мәселені шешу үшін депутат сапа мен қауіпсіздік талаптарына сай келетін берік көпір тростарына тапсырыс беріп, екі жағынан тереңдігі 4 метр шұңқырлар қаздырып, монолитті бетонмен құйдырды.

«Біздің барлық тіршілік көзі­міз – арғы бетте. Қаламен байланыс, автобус аялдамалары, дүкендер де сонда. Күнделікті нанымызды сатып алу үшін де сол ескі кө­пір­ден өтетінбіз. Ал оның сапасы көңіл көншітпейтін. Сондықтан да біз ескі көпірден өзен суы таяз­дап, тынышталғанда ғана өтіп жүрдік. Жаңа аспалы көпір са­лып, игі іс жасаған депутатқа алғы­сы­мыз зор», дейді «Гауһар» бау-бақша ұжымының мүшесі Тамара Мұхамбетиярова.

Еңбек жолын қарапайым жүк тиеушіден бастаған Nur Otan пар­тия­сы Атырау қала­лық мәс­ли­хатының депутаты Қар­шы­ға Жауымбаев 2006 жылы өзінің «Қара-Бура» ауыл шаруа­шылығы кәсіпорнын ашты. Ауыл­дас­та­рына үнемі қолұшын созып келе жатқан ол карантин кезінде жал­ғызбасты қарттарға 100 мың теңге­ден қаржылай көмек көр­се­тіп, мыңнан астам мұқтаж отба­сы­на дәрі-дәрмек жеткізді.

Праймеризге белсене қатыс­қан Алматы облыстық мәс­ли­хаты­ның депутаты Бекет Әбішев аз қамтылған 11 көпбалалы отба­сы­ның тұрғын үй мәселесін шешуге көмектесті. Ол осы отба­сыларға арнап өз қаржысына Қарасай ауданында үй салды. Өзі спортшы депутат туған ауы­лы­нда әуесқой футбол клубын ұйым­дастырды, күреспен айналысу үшін арнайы зал жабдықтап, округтегі алғашқы көкпар командасын жасақтады.

Тағы бір мысал ретінде Шым­кент қалалық мәслихатының де­пу­­таты, ерекше балаларға ар­­нал­ған көмекші мектеп-интернат директоры Жадыра Та­ңа­тарова туралы деректермен бө­лі­се кетейік. Көпбалалы ана де­путат­тық қызметтен бөлек, қа­йы­рымдылықпен айна­лысып, мұқтаж жандарға азық-тү­лік се­бет­терін тарату, ерекше қажет­ті­­л­іктері бар балаларға арнайы жаб­дықтар сатып алу акцияларын ұйымдастырады. Депутат тұрмыс-тіршілігі қиын 500-ден астам отбасына көмектесті.

Еске сала кетейік, өткен сай­лаудың қорытындысы бойынша барлық деңгейдегі мәсли­хат­тардағы Nur Otan фрак­ция­ларының құрамы 65%-ға жаңар­ды. Партия атынан сайланған де­путаттардың орташа жасы 6 жы­лға жасарып, 45 жасты құрады. Әйелдер саны 11-ден 30%-ға дейін, ал 35 жасқа дейінгі жастар саны 16-дан 23%-ға дейін артты.