Әлем • 24 Қыркүйек, 2021

Қырғызстанда VI халықаралық эпостар фестивалі өтіп жатыр

12 рет көрсетілді

Бішкекте Қырғыз Республикасы тәуелсіздігінің 30 жылдығы мен ақын Тоголок Молдоның 160 жылдығына арналған VI халықаралық эпостық фестиваль басталды, деп хабарлайды Egemen.kz.

Фестиваль ұлттың өзін-өзі тануын нығайту және эпикалық мұраны жаһандық деңгейде насихаттау мақсатында ұйымдастырылған. 

Министрлер кабинеті төрағасының орынбасары Жылдыз Бакашова «Әлемдік мәдениеттегі «Манас» эпосы: ғылым, өнер, әдебиет» дөңгелек үстелінде құттықтау сөз сөйледі. 

«Жаһандану толқыны көптеген құндылықты таптап, кей ұлттардың жойылуына қауіп төндірсе де, қазіргі ұрпақтың абыройлы міндеттерінің бірі - ұлттық бірегейлікті сақтау», деді Ж. Бакашова. 

Фестиваль 25 қыркүйекке дейін жалғасады. Арнай концерт қойылып, ұлттық ойындар өткізіледі. Шараға әлемнің 20-дан астам елінің өкілдері қатысуда.

Айта кетейік, ерекше мұраны сақтаудың инновациялық әдістерінің бірі ретінде 2006 жылы әлемдік эпостардың бірінші халықаралық фестивалі өткізілген.

Соңғы жаңалықтар

9 су қоймасы салынады

Экология • 22 Қазан, 2021

Ұқсас жаңалықтар