Бұл туралы Deutsche Welle басылымы мәлім етті.
Басылым мәліметінше, жыныстық зорлық-зомбылықтың 80-нен аса жағдайы анықталды, оның ішінде ДДСҰ-ның 20 қызметкеріне айып тағылды.
Айта кетейік, БҰҰ тергеуді 2020 жылдың қазанында The New Humanitarian және Thomson Reuters Foundation жариялаған ақпараттан кейін бастады. Онда 30-ға жуық әйел Дүниежүзілік денсаулық сақтау ұйымында жұмыс істейтін ер адамдарды айыптады.
Жалпы алғанда, 51 әйел БҰҰ-ның ДДСҰ, ЮНИСЕФ және халықаралық көші-қон ұйымы (ХКҰ) сияқты органдарында ғана емес, сонымен қатар, Oxfam, Шекарасыз дәрігерлер (MSF), World Vision және ALIMA сияқты көмек көрсету ұйымдарына қатыгездік туралы хабарлаған.
ДДСҰ бас директоры Тедрос Адханом Гебрейесус Конгодағы сексуалдық зорлық-зомбылық жағдайлары үшін кешірім сұрады.
Ақпарат бойынша, қазір 83 айыпталушының кім екені БҰҰ өкілдеріне белгілі. Олардың ішінде Конго азаматтары да, шетелдіктер де бар. Ұйым тергеушілері 2018-ден 2020 жылға дейін, Конгода Эбола ауруымен күрес кезіндегі 21 жағдайда ДДҰ-ның қызметкері кінәлі екенін анықтады.
Бұған дейін ДДСҰ әлемдегі әйелдердің үштен бірі өмір бойы физикалық немесе жыныстық зорлық-зомбылық көретінін анықтаған.
